მრავალპარტიული დემოკრატიის ცენტრი რუსულ კანონზე: ქართული ოცნება საფუძველს აცლის ჩვენს დემოკრატიულ და ევროპულ პერსპექტივას

4 Apr. 2024, 16:31

რუსული კანონის პარლამენტში დაბრუნებით ქართული ოცნება საფუძველს აცლის ჩვენს დემოკრატიულ და ევროპულ პერსპექტივას.

მრავალპარტიული დემოკრატიის ცენტრი (EECMD) გმობს ქართული ოცნების მიერ რუსული კანონის ხელახლა დაბრუნებას პარლამენტში. ამ მოქმედებით, ქართული ოცნება სასიცოცხლო რისკს უქმნის ისედაც კრიზისში მყოფ ქართულ დემოკრატიას.

ამასთანავე, ამ ნაბიჯით, ქართული ოცნება პირდაპირ ეწინააღმდეგება ევროკავშირის რეკომენდაციებს და ამით საფუძველს აცლის ჩვენი ქვეყნის ევროპულ პერსპექტივას. გასულ წელს, ქართული ოცნება საქართველოს და საერთაშორისო საზოგადოებას დაჰპირდა, რომ რუსულ კანონს აღარ დააბრუნებდა პარლამენტში. მისი ხელახლა
შემოტანა ხალხის მოტყუება და სიტყვის გატეხაა.

კანონის ამოქმედება მოსპობს დამოუკიდებელ არასამთავრობო, მედია და საგანმანათლებლო ორგანიზაციებს საქართველოში. რუსული კანონის პარლამენტში დაბრუნება ამტკიცებს, რომ ქართულ ოცნებას ეშინია სამართლიანი და კონკურენტული საპარლამენტო არჩევნების. ეს კანონი შეუძლებელს გახდის არჩევნების კონკურენტულ და გამჭვირვალე ვითარებაში ჩატარებას და ამით, საფუძველს გამოაცლის მის სამართლიანობას და კანონიერებას.

მოვუწოდებთ ქართულ ოცნებას დაუყოვნებლივ შეაჩეროს რუსული კანონის განხილვა და არ გადაუხვიოს საქართველოს დემოკრატიულ და ევროპულ კურსს.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

ჩინეთს დედამიწის ორბიტაზე მონაცემთა ცენტრების განთავსება სურს