ახალი ამბები On.ge

EECMD

4 Apr. 2024, 16:31

რუსული კანონის პარლამენტში დაბრუნებით ქართული ოცნება საფუძველს აცლის ჩვენს დემოკრატიულ და ევროპულ პერსპექტივას.

მრავალპარტიული დემოკრატიის ცენტრი (EECMD) გმობს ქართული ოცნების მიერ რუსული კანონის ხელახლა დაბრუნებას პარლამენტში. ამ მოქმედებით, ქართული ოცნება სასიცოცხლო რისკს უქმნის ისედაც კრიზისში მყოფ ქართულ დემოკრატიას.

ამასთანავე, ამ ნაბიჯით, ქართული ოცნება პირდაპირ ეწინააღმდეგება ევროკავშირის რეკომენდაციებს და ამით საფუძველს აცლის ჩვენი ქვეყნის ევროპულ პერსპექტივას. გასულ წელს, ქართული ოცნება საქართველოს და საერთაშორისო საზოგადოებას დაჰპირდა, რომ რუსულ კანონს აღარ დააბრუნებდა პარლამენტში. მისი ხელახლა
შემოტანა ხალხის მოტყუება და სიტყვის გატეხაა.

კანონის ამოქმედება მოსპობს დამოუკიდებელ არასამთავრობო, მედია და საგანმანათლებლო ორგანიზაციებს საქართველოში. რუსული კანონის პარლამენტში დაბრუნება ამტკიცებს, რომ ქართულ ოცნებას ეშინია სამართლიანი და კონკურენტული საპარლამენტო არჩევნების. ეს კანონი შეუძლებელს გახდის არჩევნების კონკურენტულ და გამჭვირვალე ვითარებაში ჩატარებას და ამით, საფუძველს გამოაცლის მის სამართლიანობას და კანონიერებას.

მოვუწოდებთ ქართულ ოცნებას დაუყოვნებლივ შეაჩეროს რუსული კანონის განხილვა და არ გადაუხვიოს საქართველოს დემოკრატიულ და ევროპულ კურსს.

განცხადა მრავალპარტიული დემოკრატიის ცენტრმა (EECMD). ის ასე ეხმიანება ხელისუფლების სურვილს, ისევ დააინიციიროს პარლამენტში რუსული კანონი, რომლითაც სურთ, დამოუკიდებელი მედია და არასამთავრობო სექტორი "აგენტებად" გამოაცხადონ. ანალოგიური კანონის მიღება "ოცნებას" უნდოდა გასული წლის მარტში, რასაც მძლავრი საზოგადოებრივი პროტესტი, 7-8 მარტის ცნობილი აქციები და საბოლოოდ, კანონპროექტის უკან გაწვევა მოჰყვა.

0 0

კომენტარები

კვირის ტოპ-5

  1. ამ ქვეყანაში თავი კიდევ ერთხელ მეორეხარისხოვნად ვიგრძენი — ჯეიჰუნ მუჰამედალი შიო III-ის ქადაგებაზე
  2. აშშ-ში ნეონაცისტური ჯგუფის ლიდერ მიხეილ ჩხიკვიშვილს 15-წლიანი პატიმრობა მიუსაჯეს
  3. მართვის მოწმობის აღება მარტივდება
  4. "ვერ ვიჯერებ, რომ ეს საქართველოში, რუსთაველის თეატრში მოხდა" — თამთა მიქელაძე რუსთაველის თეატრში გამართულ წარმოდგენაზე
  5. მთავრობა სარეზერვო ფონდიდან საპატრიარქოს 5 300 000 ლარს გამოუყოფს

გირჩევთ

ახლა კითხულობენ

გადახედვა

აშშ-ის სახელმწიფო დეპარტამენტმა უკრაინისთვის $108 მლნ-ის საზენიტო-სარაკეტო კომპლექს HAWK-ის შესაძლო მიყიდვა დაამტკიცა

აშშ-ის სახელმწიფო დეპარტამენტმა მიიღო გადაწყვეტილება, რომლითაც დაამტკიცა უკრაინის მთავრობისთვის საზენიტო-სარაკეტო…