რა ხდება: უეფას ვებგვერდზე, ბილეთების სექციაში გამოჩნდა ჩანაწერი, რომელშიც საქართველოს მიღწეულ გამარჯვებას ულოცავენ და მიესალმებიან ევრო 2024-ზე.

  • იქვე აღნიშნულია, რომ საქართველოს გულშემატკივრებისთვის ბილეთების გაყიდვა 15 აპრილს, 11:00 საათზე დაიწყება, რაც საქართველოს დროით, 13:00-ია.
  • სხვა დამატებითი დეტალები კი მოგვიანებით გახდება ცნობილი.

ფოტო: uefa.com

რა ეღირება ბილეთი: უეფას ბილეთების სექციის თანახმად, ბილეთების ფასი 30 ევროდან იწყება. ფინალზე დასწრება კი, რომელიც 2024 წლის 14 ივლისს გაიმართება, გულშემატკივარს 90 ევრო დაუჯდება.

ბოლო ხაზი: საქართველოს ეროვნული საფეხბურთო ნაკრები, ისტორიაში პირველად, ევროპის ჩემპიონატზეა მას შემდეგ, რაც 2024 წლის 26 მარტს ჩემპიონატის შესარჩევი ეტაპის საპლეიოფო ფინალში, საბერძნეთს მოუგო.