მოკლედ: ღაზაში, ისრაელის თავდასხმის შედეგად, შვიდი ადამიანი დაიღუპა, რომლებიც სასურსათო დახმარების საქველმოქმედო ორგანიზაცია World Central Kitchen-ში მუშაობდნენ. ჰუმანიტარული მუშაკების კოლონაზე თავდასხმა მოხდა ღაზის სექტორის ცენტრალურ ნაწილში, დეირ ალ-ბალას სამხრეთში.

დეტალები: ისრაელის პრემიერ-მინისტრი, ბენიამინ ნეთანიაჰუ ამბობს, რომ ჰუმანიტარული მუშაკები ისრაელის თავდასხმას "უნებლიედ" ემსხვერპლნენ: "ასე ხდება ომში... და ჩვენ ყველაფერს გავაკეთებთ, რომ ეს აღარ განმეორდეს", — თქვა მან.

  • ცნობილია, რომ გარდაცვლილთა შორის არიან ბრიტანეთის, ავსტრალიის, პოლონეთის მოქალაქეები, რომლებიც პალესტინელებთან ერთად მუშაობდნენ.
  • უცხოელ ჰუმანიტარულ მუშაკებთან ერთად, გარდაცვლილია პალესტინის მოქალაქე, რომელიც თარჯიმანი იყო.
  • ავსტრალიის პრემიერ-მინისტრმა თქვა, რომ ის მოელის "სრულ პასუხისგებას." მისი ეს განცხადება გაკეთდა ავსტრალიელი მოქალაქის გარდაცვალების შესახებ ინფორმაციის დადასტურებისთანავე.
  • აშშ-ის ეროვნული უშიშროების საბჭოს სპიკერი, ედრიენ უოტსონი, მოუწოდებს ისრაელს, სწრაფად გამოიძიოს მომხდარი.
  • World Central Kitchen-ის აღმასრულებელი დირექტორი აცხადებს, რომ ეს არის "უპატიებელი თავდასხმა" და ორგანიზაციამ მიიღო გადაწყვეტილება ადგილზე საქმიანობის შეჩერების შესახებ.
  • ისრაელმა პირობა დადო, რომ "საფუძვლიანად განიხილავს მომხდარს."

თავდასხმის მასშტაბი ჩანს საქველმოქმედო ორგანიზაციის განადგურებული მანქანის სურათებშიც.

ფოტო: Reuters

ფოტო: Reuters

ფოტო: Reuters

ორგანიზაცია World Central Kitchen და მისი როლი ღაზაში: ამ ორგანიზაციის მეშვეობით ჩავიდა საკვებით დატვირთული სატვირთო გემი ღაზაში — დახმარების მიზნით მიწოდებული პირველი საზღვაო ტვირთი.

  • ორგანიზაციის საცხობი ღაზაში, ყოველდღიურად 20 000 პურს აწარმოებდა ჰუმანიტარული მიზნებით.
  • ორგანიზაცია მიშლენის ვარსკვლავის მფლობელმა შეფ-მზარეულმა, ხოსე ანდრესმა დააარსა 2010 წელს.
ხოსე ანდრესი

ხოსე ანდრესი

  • მის მიერ, აშშ-ში დაფუძნებული ორგანიზაციის მიზანია ადამიანების საკვებით უზრუნველყოფა ჰუმანიტარული კრიზისებისა თუ კატასტროფების დროს.
  • 2022 წლის მარტში, მისი ორგანიზაცია ეხმარებოდა უკრაინასაც და ანდრესი უშუალოდ უკრაინის პრეზიდენტსაც შეხვდა.
  • ორგანიზაცია ასევე იმყოფებოდა ჰაიტიში, 2010 წლის დამანგრეველი მიწისძვრის შემდეგ,
  • და პუერტო-რიკოშიშიც, 2017 წლის სექტემბერში, როდესაც ქარიშხალმა მარიამ ათასობით ადამიანი იმსხვერპლა.