შინაგან საქმეთა სამინისტროს თანამშრომლებმა, 1989 და 1992 წელს დაბადებული ორი პირი ნარკოდანაშაულის ბრალდებით, თბილისში, დააკავეს.

შსს-ს ცნობით, სამართალდამცველებმა, დაკავებულების პირადი და საცხოვრებელი ბინის ჩხრეკისას, სარეალიზაციოდ გამზადებული, 205 შეკვრად დაფასოებული 188,432 გრამი ე.წ. ბიო და 971,9392 გრამი ახალი ფსიქოაქტიური ნივთიერება (ფხვნილის სახით) ამოიღეს.

შსს-ს თქმით, სულ ამოღებულია 1 კილო და 160 გრამი ახალი ფსიქოაქტიური ნივთიერება.

გამოძიება სისხლის სამართლის კოდექსის 260-ე მუხლის მე-3 ნაწილის ბ ქვეპუნქტით მიმდინარეობს, რაც წინასწარი შეთანხმებით ჯგუფის მიერ ახალი ფსიქოაქტიური ნივთიერების უკანონო შეძენა-შენახვას გულისხმობს.