რა ხდება: პროკურატურის ინფორმაციით, განზრახ მკვლელობის მცდელობის ფაქტზე ერთ პირს ბრალდება წარუდგინეს.

დეტალები: როგორც უწყება წერს, გამოძიებით დადგინდა, რომ 24 მარტს, თბილისში, ვაზისუბნის დასახლებაში, კაცს შელაპარაკება მოუხდა მეზობელ ქალთან.

  • კაცმა ქალს სხეულის სხვადასხვა არეში, ცივი იარაღით, მრავლობითი დაზიანება მიაყენა.
  • ქალი საავადმყოფოში გადაიყვანეს, მას ქირურგიული ოპერაცია დასჭირდა.
  • ბრალდებული სამართალდამცველებმა იმავე დღეს დააკავეს.
  • მას წარედგინა ბრალდება მუხლით, რომელიც განზრახ მკვლელობის მცდელობას გულისხმობს, სასჯელის ზომად კი 10-დან 15 წლამდე თავისუფლების აღკვეთას ითვალისწინებს.