მოკლედ: საქართველოს მთავრობა გმობს მოსკოვში მომხდარ ტერაქტს და დაღუპულთა ოჯახებს უსამძიმრებს.

  • "ვუსამძიმრებთ რუს ხალხს. ვუსამძიმრებთ დაღუპულების ოჯახებს. დაშავებულებს მალე გამოჯანმრთელებას ვუსურვებთ", — წერია მთავრობის ადმინისტრაციის განცხადებაში.

რა მოხდა: გუშინ, 22 მარტს, მოსკოვში, საკონცერტო დარბაზ კროკუს სითი ჰოლში, სადაც ჯგუფ პიკნიკის კონცერტი მიმდინარეობდა, შეიარაღებულმა პირებმა ცეცხლი გახსნეს, შემდეგ კი ყუმბარები ისროლეს.

შედეგად შენობაში ძლიერი ხანძარი გაჩნდა.

  • ამ დროის ინფორმაციით, ტერაქტის შედეგად 60 ადამიანი დაიღუპა, მათ შორის არის 3 ბავშვი.
  • დაღუპულების რაოდენობა, შესაძლოა, გაიზარდოს.
  • დაშავდა 115 ადამიანი.
  • მოსკოვში მომხდარ ტერაქტზე პასუხისმგებლობა ისლამურმა სახელმწიფომ (ISIS) აიღო.

გაიგე მეტი: ვინ დგას ტერაქტის უკან მოსკოვში, რომლის შედეგადაც, სულ მცირე, 60 ადამიანი დაიღუპა — დეტალები