მოკლედ: მოსკოვში, საკონცერტო დარბაზ კროკუს სითი ჰოლში, სადაც ჯგუფ პიკნიკის კონცერტი მიმდინარეობდა, შეიარაღებულმა პირებმა ცეცხლი გახსნეს.

  • მედიის ინფორმაციით, არიან დაღუპულები და დაშავებულები.

დეტალები: სროლის შემდეგ კროკუს სითი ჰოლში აფეთქება მოხდა.

  • ოფიციალური ინფორმაცია სამართალდამცავი ორგანოებიდან, დაღუპულებისა და დაშავებულების შესახებ, ჯერჯერობით, არ ვრცელდება.
  • ტელეგრამ არხი BAZA წერს, რომ დაიღუპა 12 ადამიანი, დაიჭრა 35.
  • ასევე, რუსული მედიის ინფორმაციით, ცეცხლი ავტომატებით სამმა, კამუფლაჟში ჩაცმულმა ადამიანმა გახსნა, ისინი საკონცერტო დარბაზის პარტერში შეიჭრნენ.
  • ამის შემდეგ კი თავდამსხმელებმა, სავარაუდოდ, ყუმბარა გადააგდეს, შედეგად ხანძარი გაჩნდა.
  • BAZA-ს ინფორმაციით, ხანძრის გამო, 100-ზე მეტი ადამიანი შენობაში ჩარჩა და გამოსვლას ვერ ახერხებენ.