რა ხდება: თბილისში დღეს ნატოს გენერალურ მდივანს ელოდებიან.

  • იენს სტოლტენბერგი საქართველოში, სომხეთსა და აზერბაჯანში შეხვედრებს 17-დან 19 მარტამდე გამართავს.

დეტალები: თბილისში, ნატოს ხელმძღვანელი შეხვდება საქართველოს პრეზიდენტს, სალომე ზურაბიშვილს.

  • ასევე, საქართველოს პრემიერ-მინისტრს, ირაკლი კობახიძეს.
  • მთავრობის პრესსამსახურის ინფორმაციით, სტოლტენბერგისა და კობახიძის შეხვედრა მთავრობის ადმინისტრაციაში 14:50 საათზე გაიმართება.
  • შეხვედრის შემდეგ კი მედიისთვის ერთობლივ განცხადებებს გააკეთებენ.

ხვალ, 19 მარტს, ნატის გენერალური მდივანი საქართველოდან ერევანში გაემგზავრება, სომხეთის პრეზიდენტსა და პრემიერ-მინისტრთან შესახვედრად.

კონტექსტი — სტოლტენბერგის გზავნილი საქართველოში ვიზიტის წინ: 14 მარტს, ნატოს გენერალურმა მდივანმა, იენს სტოლტენბერგმა საქართველოს შეახსენა, რომ რეფორმები მნიშვნელოვანია და თქვა, რომ "ახლო მომავალში" ჩამოვა.