მოკლედ: 8 მარტს, ადიგენში, მართლმადიდებლებსა და მუსლიმებს შორის დაპირისპირების მიზეზი იუსუფ მიქელაძის სახლი გახდა, სადაც ბოლო წლებია ადიგენში მცხოვრები მუსლიმები იკრიბებიან და პარასკევის ლოცვას აღავლენენ.

დეტალები: გუშინ, 8 მარტს, ათობით პირი იუსუფ მიქელაძის სახლთან მივიდა და მუსლიმებს ლოცვის ჩატარების საშუალება არ მისცა. საპროტესტო აქციის მონაწილეები ამბობდნენ, რომ სახლის, სადაც მედრესეა (მუსლიმანური სასწავლებელი), "მეჩეთად გადაქცევას" და იქ ყოველ პარასკევს ლოცვის ჩატარებას არ დაუშვებდნენ.

  • იუსუფ მიქელაძის სახლთან შეკრებილთა შორის იყვნენ სასულიერო პირებიც.
  • ბათუმელებმა გუშინ გაავრცელა ვიდეო, სადაც ჩანს როგორ მიმართავს ერთ-ერთი სასულიერო პირი შენობაში მყოფ პირს.
  • "გამოდი, გამოეთრე გარეთ", "გაგიხევ სახეს, დედას ვფიცავარ თუ არ დაგტოვო კოჭლი", — ისმის ვიდეოში.
  • On.ge შინაგან საქმეთა სამინისტროს დაუკავშირდა, თუმცა, უწყებაში კომენტარს არ აკეთებენ.

რადიო თავისუფლების ინფორმაციით, გუშინ, დღის ბოლოს, მხარეები შეთანხმდნენ, რომ ორშაბათს, 11 მარტს სახლი, როგორც მეჩეთი, ფუნქციონირებას აღარ გააგრძელებს, სიტყვიერი შეთანხმება, ოფიციალურად, ორშაბათს უნდა გაფორმდეს.

ბოლო ხაზი: ადიგენში მოსახლეობის 97% ეთნიკურად ქართველია, მათ შორის — იმერლები, რაჭველები, აჭარლები და ადგილობრივი მესხები, რაც მუნიციპალიტეტის მულტირელიგიურობას განაპირობებს.

მსგავსი: მოსახლეობის ნაწილი ადიგენში მეჩეთის გახსნას აპროტესტებს