მოკლედ: 2024 წლის სტუდენტთა საგრანტო კონკურსში მონაწილეობის მსურველების რეგისტრაცია დღეს, 4 მარტს, დილის 10:00 საათზე დაიწყო და 18:00 საათამდე გაგრძელდება, — აცხადებს გამოცდების ეროვნული ცენტრი.

ვისთვის არის: კონკურსში მონაწილეობის მიღება შეუძლია იმ სტუდენტს, რომელსაც სურს დაფინანსების მოპოვება, ან გაუმჯობესება და არ აქვს შეწყვეტილი სტუდენტის სტატუსი.

კონკურის მონაწილეთა საყურადღებოდ: სტუდენტთა საგრანტო კონკურსში მონაწილეებმა უნდა გაითვალისწინონ, რომ სახელმწიფო სტუდენტს ბაკალავრიატის საფეხურზე აფინანსებს მხოლოდ ერთხელ.

  • "თუ სტუდენტი ვერ შეძლებს გრანტის გაუმჯობესებას, მას შეუნარჩუნდება ის დაფინანსება, რომელიც სტუდენტთა საგრანტო კონკურსში გასვლამდე ჰქონდა მოპოვებული", — აცხადებს შეფასებისა და გამოცდების ეროვნული ცენტრი (Naec).

გამოცდის საფასური: "სტუდენტთა საგრანტო კონკურსში მონაწილეობის მსურველებმა რეგისტრაციის გავლამდე უნდა გადაიხადონ გამოცდაში მონაწილეობის საფასური — 10 ლარი", — აცხადებს Naec-ი, — "სისტემა ავტომატურად ამოწმებს ინფორმაციას გამოცდაში მონაწილეობის საფასურის გადახდის შესახებ (თუ გადახდა არ დადასტურდა, გამოსაცდელი ეკრანზე ხედავს შესაბამის შეტყობინებას და ვეღარ აგრძელებს რეგისტრაციას)."

  • გადახდის დეტალები იხილეთ აქ