ყოფილი პრეზიდენტის, მიხეილ სააკაშვილის უკრაინიდან საქართველოში ექსტრადიციის შესახებ, საგარეო საქმეთა მინისტრმა, მიხეილ ჯანელიძემ განაცხადა, რომ საკითხს აქვს სამართლებრივი განზომილება და შესაბამისად მიმდინარეობს პროცესები. ამის შესახებ მინისტრმა დღეს, 19 ივლისს, ამბასადორიალზე, სააკაშვილის ექსტრადაციის შესახებ დასმული კითხვის საპასუხოდ განაცხადა:

"უკრაინასა და საქართველოს შორის არსებობს სამართლებრივი პროცესი. რაც შეეხება პოლიტიკურ განხილვებს, მე შემიძლია დაგიდასტუროთ, რომ არცერთ შეხვედრაზე არ განუხილავთ ეს საკითხი".

უკრაინის პრეზიდენტმა, პეტრო პოროშენკომ 18 ივლისს საქართველოში ოფიციალური ვიზიტისას თქვა, რომ ყოფილი პრეზიდენტის მიხეილ სააკაშვილის ექსტრადირება უკრაინას არ განუხილავს, ვინაიდან საქართველოს მათთვის არ მიუმართავს.