მოკლედ: თბილისის საქალაქო სასამართლომ, პროკურატურის მიერ წარდგენილი მტკიცებულებების საფუძველზე, 18-წლიანი პატიმრობა მიუსაჯა პირს, რომელმაც გამოძიების ვერსიით, მევალის განზრახ მკვლელობა სცადა.

დეტალები: პროკურატურის მიხედვით, 2023 წლის 12 ივნისს, ბრალდებული თბილისში შეხვდა მევალეს და დანით სიცოცხლისთვის საშიში დაზიანებები მიაყენა, "იმ მოტივით, რომ ვალად აღებული თანხა უკან არ დაებრუნებინა".

  • დაზარალებული გადარჩა: "დროულად აღმოჩენილი სამედიცინო დახმარების შედეგად, დაზარალებულის გადარჩენა მოხერხდა", — აცხადებს პროკურატურა.
  • სამართალდამცავებმა ბრალდებული იმ დღესვე დააკავეს.
  • მას ბრალდება საქართველოს სისხლის სამართლის კოდექსის 19,109-ე მუხლის "ნ" ქვეპუნქტით წარედგინა, რაც განზრახ მკვლელობის მცდელობას გულისხმობს, ანგარების მოტივით.