სამეფო კარის თამაშების მეშვიდე სეზონის პირველ სერიაში იყო ერთი ეპიზოდი, რომელშიც ჯონ სნოუ სანსას სთხოვს სხვების თანდასწრებით შენიშვნა არ მისცეს და მის ავტორიტეტს ჩრდილი არ მიაყენოს, რამდენიმე წუთიანი საუბრის შემდეგ კი სერსეი ლანისტერზე იწყებენ საუბარს.

"მე ვიცნობ მას. თუ შენ მისი მტერი ხარ, ის არ გაჩერდება მანამ, სანამ არ გაგანადგურებს. ყველა, ვინც მას ოდესმე გზაზე გადაეღობა, მკვდარია", ამბობს სანსა სერსეი ლანისტერზე.

ჯონ სნოუ: ისე საუბრობ მასზე, თითქოს მას აღმერთებ

სანსა: მისგან ბევრი რამ ვისწავლე

ამ პატარა დიალოგმა სერიალის ფანებს შორის დიდი მითქმა-მოთქმა გამოიწვია, ბევრი მათგანი წერდა, რომ სანსა სტარკისთვის სერსეი ერთგვარ სამაგალითო პიროვნებად იქცა, რომელსაც სურს, რომ დაემსგავსოს.

ამ თემასთან დაკავშირებით კომენტარი სანსას როლის შემსრულებელმა სოფია ტერნერმაც გააკეთა და თქვა, რომ სერიალში, როდესაც პერსონაჟის გარეგნობა იცვლება, მათ შორის ვარცხნილობა, ეს შემთხვევითი არასდროს არ არის.

"სანსას ახალი ვარცხნილობა გამოხატავს იმას, რაც მან ისწავლა. ის, რაც ამ დროის განმავლობაში მასზე გავლენას ახდენდა ან შეიძლება შთააგონებდა კიდეც. როდესაც ის სერსეის ტყვე იყო და მისგან მანიპულაციის ტექნიკა ისწავლა. თუ სანსას მარჯერისთან ექნებოდა კონტაქტი, შესაძლოა, ახლა მისი მსგავსი ვარცხნილობა ეტარებინა", ამბობს სოფია ტერნერი.

ახლა კი ყველაზე მთავარი კითხვა, უნდა ეშინოდეს თუ არა ჯონ სნოუს სანსა სტარკის?