რა ხდება: გასული 24 საათის განმავლობაში, რუსეთის საოკუპაციო ჯარებმა დაბომბეს უკრაინის 11 რეგიონის ტერიტორია. ცნობას უკრაინის თავდაცვის სამინისტროს მედია ცენტრი ავრცელებს.

დეტალები: რუსები თავს დაესხნენ ჯამში, 138 დასახლებასა და 114 ინფრასტრუქტურულ ობიექტს, სხვადასხვა ტიპის საბრძოლო ტექნიკის გამოყენებით, მათ შორის ნაღმმტყორცნებიდან, ტანკებით, არტილერიით და მრავალჯერადი გაშვების სარაკეტო სისტემებით.

რუსეთის თავდასხმის შედეგები რეგიონების მიხედვით

ფოტო: უკრაინის სამხედრო მედია-ცენტრი

  • რუსი ოკუპანტების შეტევას მსხვერპლი მოჰყვა მშვიდობიან მოსახლეობაში.
  • არიან დაჭრილები.
  • დაღუპულთა რაოდენობა დგინდება.

რუსეთის ჯარებმა უკრაინას დრონებით შეუტიეს

გასულ ღამეს რუსეთის ჯარებმა უკრაინის ტერიტორიაზე უპილოტო საფრენი აპარატებითაც მიიტანეს იერიში. მთლიანობაში, უკრაინის შეიარაღებული ძალების საჰაერო თავდაცვის სარდლობის თანახმად, კრასნოდარის ტერიტორიიდან შაჰედის ტიპის 23 კამიკაძე-დრონი გაუშვეს.

  • უკრაინის სამხედროების ცნობით, ყველა უპილოტო თვითმფრინავი ჩამოაგდეს.
  • რუსული ჯარები უკრაინის ტერიტორიაზე უპილოტო საფრენი აპარატებით დარტყმებს ყოველდღიურად ახორციელებენ. როგორც დამოუკიდებელი რუსული გამოცემა მედუზა იტყობინება, ექსპერტებმა განაცხადეს, ასეთი დარტყმების მიზანია არა მხოლოდ სამიზნის განადგურება, არამედ დატვირთვის შექმნა საჰაერო თავდაცვის სისტემისთვის.