მოკლედ: 12 თებერვალს ისრაელის მიერ ღაზის სექტორში 2 არგენტინელი მძევლის გადარჩენის ოპერაციისას, საჰაერო თავდასხმის შედეგად, სულ მცირე 50 პალესტინელი დაიღუპა.

  • პალესტინის საავადმყოფოს ოფიციალური პირების თქმით, დაღუპულთა შორის ქალები და ბავშვებიც არიან.
  • ინფორმაციას ასოშეიტედ პრესი (AP) ავრცელებს.

დეტალები: AP-ის მიხედვით, ისრაელმა ტყვეობიდან იხნა 60 წლის ფერნანდო სიმონ მარმანი და 70 წლის ნორბერტო ლუის ჰარი, რომლებიც 7 ოქტომბერს კიბუც ნირ იცხაკიდან გაიტაცეს, როდესაც ჰამასმა ისრაელზე უპრეცედენტო და სრულიად მოულოდნელი შეტევა დაიწყო — სარაკეტო დარტყმების პარალელურად, ჰამასის მებრძოლები ისრაელის ტერიტორიაზე გადავიდნენ, თავს დაესხნენ ღაზა-ისრაელის საზღვრის ნაწილში მიმდინარე მუსიკალური ფესტივალსაც და ასეულობით ადამიანი დახოცეს, ნაწილი კი მძევლად აიყვანეს.

  • არგენტინის პრეზიდენტი ხავიერ მილეი ისრაელის მიერ არგენტინის მძევლების გათავისუფლებას ტვიტერზე გამოეხმაურა და ისრაელის თავდაცვის ძალებს მადლობა გადაუხადა: "პრეზიდენტის ოფისი მადლობას უხდის ისრაელის თავდაცვის ძალებს, შინ ბეტს და ისრაელის პოლიციას, რომ წარმატებით დაასრულეს არგენტინელი ფერნანდო სიმონ მარმანისა და ლუი ჰარის გადარჩენა."

კონტექსტი: არგენტინის პრეზიდენტი რამდენიმე დღის წინ ისრაელში იმყოფებოდა. მან ისრაელის პრეზიდენტ ისააკ ჰერცოგსა და პრემიერ-მინისტრ ბენიამინ ნეთანიაჰუს თხოვნით მიმართა არგენტინელი მძევლების გათავისუფლებაზე.