მოკლედ: ბაღდათის მუნიციპალიტეტში, სოფელ ნერგეეთში, მეწყერში მოყოლილი კიდევ ორი ადამიანის ცხედარი იპოვეს.

რა ვიცით სტიქიის შესახებ: მეწყერი ბაღდათის მუნიციპალიტეტში დღეს, 7 თებერვალს ჩამოწვა.

  • მიწის მასამ 4 სახლი მოიყოლა.
  • გარემოს ეროვნული სააგენტოს ინფორმაციით, მეწყრული მასა, სავარაუდოდ, 150 000 კუბური მეტრია.
  • სააგენტოს განმარტებით, მეწყერი, ძირითადად, ბოლო 3 დღის განმავლობაში მოსულ უხვ ნალექს უკავშირდება — კერძოდ, ქუთაისში, ზესტაფონში და დიმში, მეტეოროლოგიური სადგურების მონაცემებით, მოსული ატმოსფერული ნალექების რაოდენობამ 80-100მმ შეადგინა, რაც თებერვლის თვის კლიმატური ნორმის 50-80%-ს შეადგენდა.