ქართული ოცნება ნაციონალური მოძრაობის სოფელ ურაველის მაჟორიტარობის კანდიდატის, მისი მამისა და შვილის ცემას გმობს. ამის შესახებ განცხადება პარტიის პრესსამსახურმა ფეისბუკის საშუალებით გაავრცელა.

"მოვუწოდებთ სამართალდამცავ ორგანოებს, სამართალდარღვევის ფაქტზე დროული რეაგირება მოახდინონ. ასევე, მოვუწოდებთ პოლიტიკურ პარტიებს, მსგავსი ფაქტები პოლიტიკური მიზნებისთვის არ გამოიყენონ", - ამბობენ პოარტიაში.

ნაციონალურ მოძრაობაში კი, მაჟორიტარობის კანდიდატისა და მისი ოჯახის წევრების ცემაში ქართული ოცნების აქტივისტებსა და გამგეობის თანამშრომლებს ადანაშაულებენ.

შინაგან საქმეთა სამინისტრომ გამოძიება სისხლის სამართლის კოდექსის 126-ე მუხლით დაიწყო. უწყებაში შემთხვევის შესახებ ინფორმაცია 112-ის საშუალებით შევიდა.