მოკლედ: კახა კალაძე ამბობს, რომ ორი მეტროსადგურის — ვარკეთილის და ავლაბრის რეაბილიტაცია ზაფხულის ბოლოს დასრულდება.

დეტალები: თბილისის მერის თქმით, ვარკეთილის რეაბილიტაციის სურვილი, გარკვეული დროის განმავლობაში, არცერთმა კომპანიამ არ გამოთქვა და პროცესი ამიტომ გაიწელა.

  • "თუმცა მოიძებნა კომპანია, რომელიც ამჟამად ასრულებს სამუშაოებს და რეაბილიტაცია ზაფხულის ბოლოსთვის დასრულდება“, — თქვა კალაძემ.
  • რაც შეეხება ავლაბარს, მერის ინფორმაციით, რეაბილიტაციის თავდაპირველ პროექტში ცვლილებები შევიდა, რადგან "ვესტიბიულის დემონტაჟი განხორციელდა, რომელიც ძალიან მძიმე, ავარიულ მდგომარეობაში იყო".
  • "თუ რაიმე დამატებითი პრობლემა არ შეიქმნა, მეტროსადგურ ავლაბრის რეაბილიტაციაც ზაფხულში დასრულდება“, — აღნიშნა დედაქალაქის მერმა.

ბოლო ხაზი: ორივე მეტროსადგურის რეაბილიტაციას ბადა გრუპი ახორციელებს.

ფლანგვის დეტექტორის ინფორმაციით, ბადა ქონსთრაქშენის მფლობელი ოცნების შემომწირველია — საჯარო რეესტრისა და პოლიტიკური ფინანსების მონიტორინგის მონაცემებითაც დასტურდება, რომ კომპანიის 100%-იანი წილის მფლობელი ბაჩანა ადამიაა, რომელმაც 2014 წელს მმართველ პარტიას 60 000 ლარი შესწირა.