რა ხდება: საქართველოს პრემიერ-მინისტრი, ირაკლი ღარიბაშვილი გადადგა. ამის შესახებ მან მთავრობის ადმინისტრაციაში გამართულ სპეციალურ ბრიფინგზე განაცხადა.

ეს ნიშნავს, რომ უფლებამოსილება შეუჩერდა მინისტრთა კაბინეტის სრულ შემადგენლობას და მომდევნო პრემიერ-მინისტრის კაბინეტის ფორმირებამდე ისინი მოვალეობის შემსრულებლები იქნებიან.

პროცედურულად: პრემიერ-მინისტრის გადადგომა ან მისი უფლებამოსილების სხვაგვარად შეწყვეტა იწვევს მთავრობის სხვა წევრთა უფლებამოსილების შეწყვეტას.

  • პრემიერ-მინისტრის გადადგომის ან მისი უფლებამოსილების სხვაგვარად შეწყვეტის შემთხვევაში, მთავრობა განაგრძობს მოვალეობის შესრულებას ახალი პრემიერ-მინისტრის დანიშვნამდე.

როგორც ირაკლი ღარიბაშვილმა პრემიერობის ბოლო მიმართვისას აღნიშნა, "მნიშვნელოვანია, შემდეგმა პრემიერმა დროულად წარადგინოს თავისი გუნდი და ჩამოაყალიბოს ახალი მთავრობა. მე წარმატებებს ვუსურვებ ახალ პრემიერ-მინისტრს", — თქვა მან.

გაიგე მეტი: რა სიტყვებით დატოვა ღარიბაშვილმა თანამდებობა — მიმართვის სრული ტექსტი

ვინ იქნება "ოცნების" შემდეგი პრემიერი: ღარიბაშვილის განცხადებას თანამდებებიდან წასვლის შესახებ, წინ უძღოდა სამთავრობო იმედის მიერ გავრცელებული ცნობა სამთავრობო ცვლილებების შესახებ.

  • სახელისუფლებო არხის მიხედვით, ირაკლი ღარიბაშვილს ამ პოზიციაზე პარტიის თავმჯდომარე, ირაკლი კობახიძე შეცვლის. ღარიბაშვილი კი — კობახიძეს ჩაანაცვლებს, პარტიის თავმჯდომარის პოსტზე.