რა ხდება: თბილისში, ზანდუკელის ქუჩა #2-თან, სადაც უახლოეს წუთებში აღსრულების პოლიციის მისვლას ელოდებიან ბალახაძეების ოჯახის გამოსასახლებლად, მოქალაქეები და სამოქალაქო აქტივისტები არიან შეკრებილი.

  • მათ ორი მოთხოვნა აქვთ — გამოუშვან ხატიაშვილების გამოსახლების დროს დაკავებული გიორგი ხასაია და კაკო ჩიქობავა და ასევე, აკრძალოს ადამიანების გამოსახლება უკანასკნელი საცხოვრისიდან.

სტრიქონებს შორის: მოძრაობა ხმის წევრები, გიორგი ხასაია და კაკო ჩიქობავა პოლიციამ კეკელიძის ქუჩაზე, ხატიაშვილების ოჯახის გამოსახლების დროს დააკავა და გუშინ მათ პატიმრობა (ე.წ. წინასწარი პატიმრობა) შეეფარდათ.

ხასაიას და ჩიქობავას ბრალად აღსრულების პოლიციის მანქანის დაზიანება ედებათ და 3-დან 6 წლამდე პატიმრობა ემუქრებათ.

დეტალები: ამ ორ მოთხოვნას უერთდებიან ხატიაშვილის ოჯახი, რომელიც 23 იანვარს გამოასახლეს და — კაკიაშვილების ოჯახი, რომლის გამოსახლებაც 24 იანვარს იგეგმებოდა, თუმცა გადაიდო.

მარინა ხატიაშვილი

მარინა ხატიაშვილი

ფოტო: მარიამ მერლანი / On.ge

მარიამ კაკიაშვილი

მარიამ კაკიაშვილი

ფოტო: მარიამ მერლანი / On.ge

"მადლიერი ვარ, რომ აქ ვდგავარ, თქვენ გვერდით ვდგავარ. მადლობას ვუხდი ყველას, ვინც ჩემ გვერდით იდგა. მე, შეიძლება, 24-ში სახლში დავრჩი, არ მოვიდნენ [აღსრულების პოლიცია], მაგრამ მე მანამდე, 23-ში გამოვსახლდი მარინა დეიდასთან [ხატიაშვილი] ერთად. მინდა, ყველას ვუთხრა, როცა რამდე დაგჭირდებათ ჩემგან, ჩემი ოჯახისგან, თქვენ გვერდით ვდგავარ ყოველთვის“, — თქვა მარიამ კაკიაშვილის შვილმა, დაჩი მახათაძემ.

დაჩი და ლუკა მახათაძეები

დაჩი და ლუკა მახათაძეები

ფოტო: მარიამ მერლანი / On.ge

აქციაზე იმყოფებიან გაფიცული მაღაროელები ჭიათურიდან, ასევე — რიონის ხეობის დამცველი, ვარლამ გოლეთიანი.

გაფიცული მაღაროელი სიმონ მიქაცაძე

გაფიცული მაღაროელი სიმონ მიქაცაძე

ფოტო: მარიამ მერლანი / On.ge

ვარლამ გოლეთიანი

ვარლამ გოლეთიანი

ფოტო: მარიამ მერლანი / On.ge

აღსრულების ბიურო ზანდუკელის ქუჩაზე, ჯერჯერობით, არ მისულა.