მოკლედ: კეკელიძეზე ხატიაშვილების ოჯახის მხარდასაჭერად გამართულ აქციაზე დაკავებულ კაკო ჩიქობავას და გიორგი ხასაიას, აღკვეთის ღონისძიების სახით, პატიმრობა შეეფარდათ.

დეტალები: მოსამართლე დავით კურტანიძემ, პატიმრობასთან დაკავშირებით, პროკურატურის შუამდგომლობა გაიზიარა.

  • დაცვის მხარე დაკავებულების გათავისუფლებას ითხოვდა.

რატომ დააკავეს ჩიქობავა და ხასაია: მათ კეკელიძის ქუჩაზე, ხატიაშვილების ოჯახის მხარდამჭერ აქციაზე, აღსრულების პოლიციის მანქანის დაზიანებაში ედებათ ბრალი.

  • მანქანის შუშების ჩამტვრევის ფაქტზე, მათ 3-6 წლამდე პატიმრობა ემუქრებათ.
  • შემთხვევა 23 იანვარს მოხდა.

მსგავსი: თუ ჩიქობავა და ხასაია არ გათავისუფლდებიან, თავიდან ვერ აირიდებთ სტუდენტების მასშტაბურ აქციებს — მაისის სტუდენტური მოძრაობა