პოპულარული ანიმაციური შოუ, ავატარი: ჰაერის უკანასკნელი მბრძანებელი, ნეტფლიქსზე სერიალის სახით ბრუნდება. სერიალის პირველი სეზონში 8 სერია იქნება, თითოეული კი საშუალოდ 1 საათს გაგრძელდება. ავატარის მიხედვით გადაღებული სერიალის პრემიერა 22 თებერვალს შედგება, ცოტა ხნის წინ კი ნეტფლიქსმა კიდევ ერთი ახალი ტრეილერი გამოუშვა.

უკვე ცნობილია, თუ რომელი მსახიობები განასახიერებენ ჩვენს საყვარელ პერსონაჟებს. სერიალში აანგის როლს გორდონ კორმიე ასრულებს, კატარას როლს — კიავენტიიო, სოკას პერსონაჟს იენ ოუსლი განასახიერებს, ხოლო ზუკოს როლში დალას ლიუს ვიხილავთ. აზულას როლს ელიზაბეთ იუ შეასრულებს, რაც შეეხება კიოშის მეომრების ლიდერს, სუკის — სერიალში მის როლს მარია ჩჟანი მოირგებს. ცეცხლის მბრძანებელი ოზაის როლში კი, დაკარგულების მსახიობ დენიელ დაი კიმს ვიხილავთ.

///

შეგახსენებთ, რომ ავატარი: ჰაერის უკანასკნელი მბრძანებელი სამყაროზე მოგვითხრობს, რომელიც ოთხი სტიქიის ნიშნის მიხედვითაა დაყოფილი: წყალი, ცეცხლი, მიწა და ჰაერი. ცეცხლის ხალხის მიერ სხვათა დაპყრობის შემდეგ სამყაროში მშვიდობის დაბრუნება მხოლოდ განსაკუთრებულ ადამიანს, ავატარს, შეუძლია, რომელიც ოთხივე სტიქიას ფლობს.

ავატარის ანიმაცია 2005 წელს გამოვიდა და მაყურებელთა სიყვარული მალევე მოიპოვა. რაც შეეხება სერიალის, გადასაღები მოედნიდან გავრცელებული კადრებით თუ ვიმსჯელებთ, მაყურებელს წინ ისევ საინტერესო თავგადასავალი ელოდება.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…