ცნობილი ბრიტანელი ისტორიკოსისა და მწერლის, საიმონ სებაგ მონტეფიორეს, გახმაურებულ წიგნს ახალგაზრდა სტალინი ფილმად იღებენ. ინფორმაციას თავად ავტორი ავრცელებს სოციალურ ქსელში. ინსტაგრამზე განთავსებულ "სთორიში" მონტეფიორე წერს, რომ თავისი წიგნის ეკრანიზაციაზე სამუშაოდ თბილისში იმყოფება. პროექტის შესახებ სხვა დეტალები ჯერჯერობით უცნობია.

ფოტო: simonsebag_montefiore / Instagram

2007 წელს გამოცემული ახალგაზრდა სტალინი მონტეფიორეს მანამდე გამოქვეყნებული წიგნის, სტალინი: წითელი მეფის კარი, ერთგვარი პრიკველია. ავტორის 10-წლიან კვლევაზე დამყარებული ნაშრომი უხვადაა დასურათებული და ერთვის რუკებიც. წიგნი კი, როგორც სახელი მიუთითებს, საბჭოთა დიქტატორის ცხოვრების ადრეულ წლებზე გვიყვება: როგორ და რატომ იქცა სემინარიელი ბიჭი ჯერ მეამბოხედ, შემდეგ კი სასტიკ მმართველად, ანუ "როგორ იქცა სტალინი სტალინად".

ახალგაზრდა სტალინმა LA Times-ის პრემია (აშშ) მოიპოვა საუკეთესო ბიოგრაფიის ნომინაციაში. ამ წიგნით ავტორი ასევე გახდა Costa Book Award-ის (გაერთიანებული სამეფო), Bruno Kreisky Award-ის (ავსტრია) და Le Grand Prix de la Biographie Politique-ის (საფრანგეთი) ლაურეატი. მონტეფიორეს ნაშრომი ქართულად 2009 წელს ითარგმნა.

ასევე იხილეთ:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...