მალე მაყურებელი მაიკლ ჯექსონის შესახებ ახალ ბიოგრაფიულ ფილმს, სახელად Michael-ს, იხილავს. ფილმში მაიკლ ჯექსონის როლს მომღერლის ძმისშვილი, ჯაფარ ჯექსონი, ითამაშებს. ფილმზე მუშაობის პროცესში მაიკლ ჯექსონის ოჯახიც ჩართულია, გადაღებები კი 22 იანვარს დაიწყება.

Michael მაიკლ ჯექსონის ცხოვრებასა და კარიერას მაყურებელს მომღერლის პერსპექტივიდან დაანახებს. როგორც Michael-ის აღწერაში ვკითხულობთ, ფილმში წარმოდგენილი იქნება როგორც წარმატებული მომენტები, ასევე მომღერლის პირადი ტრაგედიებიც. უკვე ცნობილია, რომ ფილმის რეჟისორი ანტუან ფუკუა იქნება.

///

გამომდინარე იქიდან, რომ ფილმზე მუშაობის პროცესში მაიკლ ჯექსონის ანდერძის აღმსრულებლები, ჯობ ბრანკა და ჯოკ მაკლეინი, ჩართულები არიან, მედიაში უკვე ჩნდება კითხვები იმის შესახებ, თუ როგორ ასახავს Michael მაიკლ ჯექსონის წინააღმდეგ ბავშვებზე სექსუალური ძალადობის ბრალდებებს. ეს ბრალდება მომღერალს არაერთხელ წარუდგინეს.

აღსანიშნავია ისიც, რომ 2003 წელს ბავშვზე სექსუალური ძალადობის საქმეში ჯექსონი უდანაშაულოდ ცნეს. მაიკლ ჯექსონი 2009 წელს გარდაიცვალა, ბრალდებებს კი მთელი კარიერის განმავლობაში უარყოფდა.

Michael-ის პრემიერა 2025 წლის 18 აპრილს იგეგმება.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...