რა ხდება: სამების საკათედრო ტაძარში ხატს, რომელზეც მატრონა მოსკოველთან ერთად იოსებ სტალინიც არის გამოსახული, ლურჯი საღებავი შეასხეს.

  • ამისი ამსახველი ვიდეო სოციალურ ქსელში აქტივისტმა ნატა ფერაძემ გააზიარა.

რა ვიცით ხატზე: თავდაპირველად, ინფორმაცია, რომ სამებაში მატრონა მოსკოველის ხატზე იოსებ სტალინიც იყო გამოსახული, დეკანოზმა ილია ჭიღლაძემ გაავრცელა.

მოგვიანებით, ფეისბუქზე ვიდეო გააზიარა "ევროპული საქართველოს" წევრმა, გიორგი კადელაკმა.

  • მას შემდეგ, რაც ხატმა საბჭოთა ლიდერით საზოგადოების ნაწილის აღშფოთება გამოიწვია, საპატრიარქოს წარმომადგენელმა, დეკანოზმა ანდრია ჯაღმაიძემ თქვა, რომ თემა წამოიწია შობის დღესასწაულის სკანდალით გადაფარვის მიზნით.
  • მოგვიანებით კი, პრორუსული "პატრიოტთა ალიანსის" ლიდერებმა განაცხადეს, რომ ხატი სამების ტაძარს მათ შესწირეს.