პირველად საქართველოს ისტორიაში, საქართველოს ეროვნულმა ნაკრებმა ქიმიის მსოფლიო ოლიმპიადაზე 3 მედალი მოიპოვა.

6 ივლისიდან 15 ივლისის ჩათვლით, ტაილანდში, ქიმიის 49-ე საერთაშორისო ოლიმპიადა IChO 2017 ტარდება, რომელშიც მონაწილეობას 80-მდე ქვეყანა იღებს.

ტურნირს საქართველოს ეროვნული ნაკრები წელს შეუერთდა და სამი ბრინჯაოს მედალი მოიპოვა. ჯილდოები მიიღეს დავით რიჟინაშვილმა, ლექსო ფიჩხაძემ და საბა თავდგირიძემ.

საქართველოს მოსწავლეთა ეროვნული ნაკრები ოთხი წევრისგან შედგება და თითოეული მათგანი საქართველოს ეროვნული ოლიმპიადის გამარჯვებულია.

გუნდის სამი წევრი დავით რიჟინაშვილი, ლექსო ფიჩხაძე და ლევან გოჯიაშვილი - დემირელის სახელობის კერძო კოლეჯის მოსწავლეა, ხოლო საბა თავდგირიძე კი კომაროვის სკოლიდანაა.

მათ კონკურსზე ერთ-ერთი საუკეთესო შედეგი აჩვენეს და შთამბეჭდავი ქულათა რაოდენობით გაუსწრეს ტურნირში მონაწილე ქვეყნებს.

ეროვნული ნაკრები ოლიმპიადისთვის რამდენიმე თვიან მომზადებას გადიოდა. სასწავლო პროცესს ელიზბარ ელიზბარაშვილი, ვახტანგ კურცხალია და თინათინ ბუთხუზი ხელმძღვანელობენ.

საქართველოს ეროვნული ნაკრები თბილისში 16 ივლისს, 00:00 საათზე ბრუნება.