რას ფიქრობს კვლევაში მონაწილე ხალხი სალომე ზურაბიშვილის საქმიანობაზე
![სალომე ზურაბიშვილი](http://monica.on.ge/2023/10/17/1280px-Salome_Zourabichvili_Learning_Sign_Language.jpg)
ფოტო: პრეზიდენტის ადმინისტრაცია, გიორგი აბდალაძე
NDI-ის კითხვაზე, როგორ შეაფასებდით პრეზიდენტის საქმიანობას, გამოკითხულთა უმრავლესობა ამბობს, რომ საშუალოდ.
მონაცემებში:
- კარგად — 16 %;
- საშუალოდ — 41 %;
- ცუდად — 30 %;
- არ ვიცი — 11 %;
- უარი პასუხზე — 1 %.
კვლევის მიხედვით,
- პრეზიდენტის საქმიანობის შეფასება მსგავსია სხვადასხვა ჯგუფს შორის.
- თუმცა, სალომე ზურაბიშვილის საქმიანობას კაცები უფრო კრიტიკულად აფასებენ, ვიდრე — ქალები.
შედარებისთვის: NDI-ის 2023 წლის მარტის კვლევაში მოცემული შედეგების მიხედვით,
- 1 %-ით მეტმა შეაფასა პრეზიდენტის საქმიანობა კარგად (17%), ვიდრე 2023 წლის ოქტომბერში;
- და 2 %-ით ნაკლებმა შეაფასა ცუდად (28 %), ვიდრე 2023 წლის ოქტომბერში.
- ისევე, როგორც ახალ კვლევაში, პრეზიდენტ ზურაბიშვილის საქმიანობას საშუალოდ აფასებდა გამოკითხულთა 41 % მარტშიც.
კვლევის ზოგადი მიგნებები: NDI-ის მიერ, დღეს, 2023 წლის 11 დეკემბერს გამოქვეყნებული კვლევის შედეგების მიხედვით, გამოკითხულთა უმეტესობის შეფასებით,
- ქვეყანაში ჯანდაცვასთან, სიტყვის თავისუფლებასთან, ქალთა უფლებებთან და განათლებასთან დაკავშირებით წინსვლაა,
- თუმცა ყოველი მეორე მოქალაქე იმასაც ამბობს, რომ კრიმინალთან და სიღარიბესთან დაკავშირებით მდგომარეობა გაუარესებულია.
გაიგე მეტი: ყველაფერი, რაც NDI-ის ახალმა კვლევებმა გვითხრა ადამიანების მდგომარეობაზე საქართველოში
კვლევის შესახებ: NDI-ის ეს ანგარიში 14 ოქტომბრიდან 4 ნოემბრამდე, ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირი გამოკითხვის შედეგებს ემყარება (ოკუპირებული ტერიტორიების გამოკლებით).
- ოქტომბერში ჩატარებული გამოკითხვა სულ 2,068 დასრულებულ ინტერვიუს მოიცავს.
- საშუალო ცდომილების ზღვარი კვლევაში +/- 2,2 პროცენტია.
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
-
-
გადახედვა
-
გადახედვა
-
-
-
გადახედვა
კომენტარები