მოკლედ: საქართველოს პრეზიდენტი, სალომე ზურაბიშვილი შეუერთდა პროევროპული მარშის მონაწილეებს, ევროპის მოედანზე.

მსვლელობა დაიწყო 14:00-ზე, რესპუბლიკის მოედნიდან.

რა თქვა პრეზიდენტმა: "ევროკომისიამ უკვე თავისი აზრი თქვა და ახლა ველოდებით ევროპული საბჭოს გადაწყვეტილებას და მათგან მე ველოდები, გაითვალისწინებენ ერთი მხრივ, მიღებულ რეკომენდაციას და ასევე — იმ ადამიანების აზრს, ვინც დღეს აქ მოვიდა."

სალომე ზურაბიშვილი პროევროპულ მარშზე, 9 დეკემბერი, 2023

სალომე ზურაბიშვილი პროევროპულ მარშზე, 9 დეკემბერი, 2023

ფოტო: ლიზა კახაბერიძე / On.ge

კონტექსტი: 8 ნოემბერს, ევროკომისიამ საქართველოსათვის ევროკავშირის წევრობის კანდიდატის სტატუსის მისანიჭებლად დადებითი რეკომენდაცია გასცა.

  • თუმცა, უახლოეს დღეებში, სავარაუდოდ, 14-15 დეკემბერს, ევროპულმა საბჭომ, რომელშიც 27 სახელმწიფოს ლიდერია, უნდა გადაწყვიტოს, საქართველო მიიღებს თუ არა კანდიდატი ქვეყნის სტატუსს.

მეტი: რეკომენდაცია კი მივიღეთ, მაგრამ ახლა რა უნდა გავაკეთოთ? — ახალი მოთხოვნები და პირობები საქართველოსთვის

ბოლო ხაზი: მარშისას დაგეგმილია ევროკავშირის დიდი დროშის მიტანა, რომლისთვისაც ორგანიზატორებმა დეტალები სიმბოლურად, საქართველოს სხვადასხვა მხარეში დაამზადეს.