რა ხდება: საქართველოს პრეზიდენტი ამბობს, რომ შეუერთდება არასამთავრობო ორგანიზაციების მიერ დაგეგმილ მარშს, სახელწოდებით "შენი ხმა ევროკავშირს".

  • ამის შესახებ სალომე ზურაბიშვილმა გუშინ, სპორტსმენებთან გამართულ შეხვედრაზე განაცხადა.

დეტალები: პრეზიდენტს არ უთქვამს, გეგმავს თუ არა მარშზე ფიზიკურად მისვლას.

  • "9 დეკემბერს იქნება არასამთავრობოების მარში, რომელსაც ასევე ჩვენ ვუერთდებით, როგორც სხვები ჩვენ გვიერთდებიან, იმისთვის, რომ ეს იყოს ერთობლივი განაცხადი საქართველოს ევროპულობის, როცა ჩვენ რამდენიმე დღეში ველოდებით ძალიან გადამწყვეტ გზავნილს ევროპისგან ჩვენკენ. გაუმარჯოს ჩვენს ევროპულ მომავალს!" — განაცხადა სალომე ზურაბიშვილმა.

ბოლო ხაზი: მარში, სლოგანით "შენი ხმა ევროკავშირს“, თბილისში, რესპუბლიკის მოედნიდან ევროპის მოედნის მიმართულებით გაიმართება. მსვლელობა 9 დეკემბერს, 14:00 საათზე დაიწყება.