ნინი ბრეგვაძე, რომლის სასცენო სახელიც Nini Iris-ია, ამერიკული The Voice-ის ნახევარფინალშია. Nini Iris კონკურსის 8 საუკეთესო მონაწილეს შორის დაასახელეს, მე-9 მონაწილე კი აუთსაიდერებიდან მაყურებლის ხმების მიხედვით შეირჩა. ამერიკული The Voice-ის შემდეგ ეტაპზე ბრძოლას 9 კონკურსანტი აგრძელებს.

კონკურსის წინა ეტაპზე Nini Iris-მა ბენდ The Cure-ის ცნობილი ჰიტი Lovesong შეასრულა და ჟიურის მოწონებაც დაიმსახურა. შეგახსენებთ, რომ მანამდე Nini Iris-მა Knockout-ის რაუნდი მოიგო და რინგის რაუნდშიც გაიმარჯვა.

რაც შეეხება ბრმა კასტინგს, Nini Iris-მა სიმღერის დაწყებიდან სულ რამდენიმე წამში ოთხივე მწვრთნელი შემოატრიალა. საბოლოოდ, ქართველმა მომღერალმა ნაილ ჰორანი აირჩია და სწორედ მის გუნდში გააგრძელა ბრძოლა. ასე რომ, The Voice-ში გამარჯვებისთვის ქართველი კონკურსანტი ბრძოლას ისევ აგრძელებს.