რამდენიმე თვიანი პაუზის შემდეგ, როგორც იქნა, ვეღირსეთ და HBO-მ Westworld-ის შესახებ ახალი ინფორმაცია გაგვიმხილა.

როგორც EW წერს, The Leftovers-ის მსახიობი კატია ჰერბერსი Westworld-ის მეორე სეზონში ითამაშებს.

გავრცელებული ინფორმაციით, ჰერბერსი სერიალში გრეისის როლს შეასრულებს, რომელიც პარკის ერთ-ერთი სტუმარი იქნება და მის ცხოვრებაში მთავარი კატასტროფაც აქედან დაიწყება.

აღსანიშნავია, რომ შოუს ახალი სეზონის გადაღებები ივლისის ბოლოს დაიწყება. თუმცა, როგორც შემქმნელები ჯონათან ნოლანი და ლიზა ჯოი ამბობენ, შესაძლოა, მისი პრემიერა მხოლოდ 2019 წელს შედგეს, რადგან 2018 წელს ეთერში სამეფო კარის თამაშების მერვე და ფინალური სეზონი გადის.