რა ხდება: სპეციალურმა საგამოძიებო სამსახურმა, ყოფილი ცოლისთვის მოსასმენი აპარატურის დამონტაჟების და მიყურადების ფაქტზე ერთი პირი დააკავა.

დეტალები: გამოძიებით დადგინდა, რომ 44 წლის კაცმა, ყოფილი ცოლის საცხოვრებელ ბინაში - მისაღებსა და საძინებელში, ფარულად დაამონტაჟა მოსასმენი მოწყობილობები, რომლებშიც განათავსა სიმ ბარათები და მათზე სატელეფონო ზარის განხორციელების გზით, თვეების განმავლობაში, ქალს უკანონოდ უსმენდა.

  • ქალმა საგამოძიებო სამსახურს მიმართა.
  • საქმე აღიძრა მუხლით, რომელიც კერძო საუბრის უნებართვო ჩაწერა ან მიყურადებას გულისხმობს.
  • ეს მუხლი ითვალისწინებს ჯარიმას, ან თავისუფლების აღკვეთას, ვადით — 2-დან 4 წლამდე.