ოდესმე გყვარებიათ ვინმე ან რამე ისე, რომ მისი ყველგან წაყვანა ან წაღება მოგნდომებიათ?

თუ კი, მაშინ აუცილებლად გაუგებთ მერილ სტრიპს, რომელიც ახალი ფილმის გადასაღებ მოედანზე ორიგინალური ჩანთით მივიდა, რომელზეც, არც მეტი და არც ნაკლები, ობამების ოჯახის ფოტო იყო გამოსახული.

68 წლის ლეგენდარული მსახიობი პაპარაცებმა მაშინ დააფიქსირეს, როცა ის სტივენ სპილბერგის ახალი ფილმის გადასაღებ მოედანზე საკუთარ ტრეილერს ტოვებდა.

ამ ისტორიაში კი მთავარი ის არის, რომ მერილ სტრიპის სიყვარული ცალმხრივი არ არის. ბარაკ ობამამ პირდაპირ ეთერში აღიარა, რომ მერილ სტრიპზეა შეყვარებული.

"მე მიყვარს მერილ სტრიპი. მისმა ქმარმაც იცის რომ მიყვარს და მიშელმა, ჩემმა ცოლმაც იცის რომ მიყვარს მერილი, ისიც მშვენივრად იციან, რომ ამას ვერაფერს მოუხერხებენ", თქვა ობამამ ერთ-ერთ საღამოზე.