რა ხდება: თუ დეკემბერში ევროკომისია კანდიდატი ქვეყნის სტატუსს მოგვანიჭებს, მთავრობა "საერთო სახალხო ეროვნულ ზეიმს" გამართავს.

  • ამის შესახებ საქართველოს პრემიერ-მინისტრმა მთავრობის სხდომაზე განაცხადა.

დეტალები: ირაკლი ღარიბაშვილის თქმით, სტატუსის მინიჭებაზე ევროკავშირის გადაწყვეტილება, სავარაუდოდ, 15 დეკემბერს იქნება.

  • "გვქონდა გუნდში მსჯელობა, პარლამენტთანაც გვქონდა საუბარი და გადავწყვიტეთ, რომ იმის და მიხედვით, როდის იქნება გადაწყვეტილება, 14-ში ან 15-ში, ამ თარიღს დავაზუსტებთ, ალბათ 15-ში მოხდება ეს, გვინდა გავმართოთ საერთო სახალხო ეროვნული ზეიმი, ასე დავარქვათ, გამარჯვების ზეიმი და კონცერტი და ერთად აღვნიშნოთ ჩვენი ქვეყნის და ჩვენი ხალხის ისტორიული გამარჯვება, ჩვენი მთავრობის, ჩვენი ხელისუფლების მუშაობის შედეგი“,- განაცხადა პრემიერ-მინისტრმა.

ბოლო ხაზი: ევროკომისიის ყოველწლიური მოხსენება გაფართოების შესახებ 8 ნოემბერს გამოქვეყნდა.

  • კომისიამ რეკომენდაცია გასცა ევროკავშირისთვის, მიენიჭოს საქართველოს ევროკავშირის კანდიდატი ქვეყნის სტატუსი.

მსგავსი თემა: რა შევასრულეთ და რა — ვერ: ევროკომისიის დასკვნის მთავარი მიგნებები