რა ხდება: პროკურატურამ ბრალი წარუდგინა კაცს, რომელმაც ცოლისა და ორი პირის მოკვლა სცადა.

გამოძიების დეტალები: შემთხვევა თბილისში, ზღვის უბნის დასახლებაში მოხდა.

  • უცხო ქვეყნის მოქალაქემ ცოლს, ძალის გამოყენებით, მანქანაში ჩაჯდომა აიძულა.
  • ფაქტს შეესწრო ორი პირი, რომლებიც ქალს დაეხმარნენ.
  • ამის გამო, ბრალდებული, მოკვლის მიზნით, ცოლისა და იმ ორი ადამიანის მიმართულებით, ავტომანქანით სწრაფი სიჩქარით გაემართა.
  • ბრალდებულის ცოლმა მოახერხა გადახტომა და გაქცევა, ხოლო იმ ადამიანებმა, ვინც ქალის დახმარებას ცდილობდნენ, მანქანის დაჯახების შედეგად, მძიმე დაზიანებები მიიღეს.
  • ამის შემდეგ, ბრალდებული გამოეკიდა ცოლს და ძირს დაგდებული ბასრი საგანი რამდენჯერმე მოუქნია, თუმცა ადგილზე შეკრებილმა ადამიანებმა მისთვის ხელის შეშლა შეძლეს.
  • სამართალდამცველებმა ბრალდებული შემთხვევის ადგილზე დააკავეს. მას ბრალდება გენდერის ნიშნით შეუწყნარებლობის მოტივით, ოჯახის ერთი წევრის მიერ ოჯახის სხვა წევრის მიმართ იძულების და გენდერის ნიშნით შეუწყნარებლობის მოტივით და ორი პირის განზრახ მკვლელობის მცდელობის მუხლებით წარედგინა.
  • ეს მუხლები სასჯელის ზომად 16-დან 20 წლამდე თავისუფლების აღკვეთას ითვალისწინებს.
  • პროკურატურის შუამდგომლობის საფუძველზე, თბილისის საქალაქო სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა.