ამერიკელი მსახიობი ენ ჰეთეუეი იმ წინააღმდეგობებზე საუბრობს, რომლებსაც ჰოლივუდში ქალები აწყდებიან — როგორ მოდის ერთობლიობაში სექსისტური და ეიჯისტური დამოკიდებულებები. 41 წლის კინოვარსკვლავის თქმით, კარიერის საწყის ეტაპზე გააფრთხილეს, რომ პროფესიული მოღვაწეობის დასრულება 35 წლის ასაკში მოუწევდა.

"როცა ბავშვობაში მსახიობობა დავიწყე, გამაფრთხილეს, რომ ჩემი კარიერა 35 წლის ასაკში დასრულდებოდა. ვიცი, რომ ამას ბევრ ქალს ეუბნებიან", — აღნიშნავს ოსკაროსანი მსახიობი უახლეს ინტერვიუში.

ჰეთეუეის ვარსკვლავური კარიერა 2001 წელს დაიწყო, როცა დისნეის პრინცესის დღიურებში ითამაშა. ამის შემდეგ იყო ოსკარის ნომინანტი კუზიანი მთა და ბესტსელერის ეკრანიზაცია ეშმაკს აცვია პრადა.

"გასაოცარია გრძნობაა, როცა იაზრებ, რომ ვიღაცის ცხოვრების ნაწილი ხარ", — საუბრობს მსახიობი ინტერვიუში თავის პროფესიაზე, — "სიტყვებით ვერ გადმოვცემ, რამხელა პატივია ჩემთვის, იმ მომენტის ნაწილი ვიყო, როცა ადამიანები ნუგეშს ეძებენ. მომწონს, როცა პროექტი გამოშვების შემდეგაც აგრძელებს ცხოვრებას".

ფოტო: Andrew H. Walker

მართალია, ჰეთეუეისთვის ნათქვამი სიტყვები ტყუილი გამოდგა — მსახიობმა 35 წლის შემდეგაც განაგრძო წარმატებულ პროექტებში მონაწილეობა, თუმცა, ჰოლივუდში არსებულ გენდერულ უთანასწორობაზე სხვა მსახიობ ქალებსაც უსაუბრიათ ღიად.

"ჰოლივუდის კინოინდუსტრიაში შეთანხმებულები არიან იმაზე, რომ თუ მსახიობ ქალს 40 წელი შეუსრულდა, მისთვის ყველაფერი დამთავრებულია", — აღნიშნა ნიკოლ კიდმანმა 2021 წელს.

2021 წელსვე სექსისტურ-ეიჯისტური კომენტარების სამიზნეში აღმოჩნდა სარა ჯესიკა პარკერი, რომელმაც ამ უსაგნო კრიტიკას საკადრისად უპასუხა.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...