რა ხდება: საქართველომ იტალიას გადასცა დამნაშავე, რომელიც ინტერპოლის წითელი ცირკულარით იძებნებოდა.

ბრალდებული საქართველოში, საერთაშორისო ძებნის საფუძველზე დააკავეს.

დეტალები: როგორც საქართველოს პროკურატურაში აცხადებენ, კაცს იტალიის პოლიცია მაფიის ტიპის დაჯგუფების მხარდაჭერისთვის, უკანონო შემოსავლის ლეგალიზაციისთვის, კომპიუტერულ სისტემაში უნებართვო შეღწევისთვის, კიბერთაღლითობისთვის, დანაშაულის შესახებ ცრუ შეტყობინებისთვის და ნარკოტიკული საშუალების უკანონო შეძენა, შენახვა, გასაღებისთვის იძებნებოდა.

  • იტალიელმა სამართალდამცველებმა დაადგინეს, რომ 2015 წლის შემდგომ პერიოდში ძებნილი პირი აქტიურად იყო ჩართული მაფიის ტიპის დაჯგუფებაში, სახელწოდებით დრანგეტა.
  • ის, ჯგუფთან ერთად ათეთრებდა ფულს, ასევე — ფინანსურ სარგებელს იღებდნენ ნარკოტიკით, თაღლითობით, გამოძალვის გზით.
  • მისი იტალიაში ექსტრადიცია თბილისის საქალაქო სასამართლომ დასაშვებად ცნო.
  • ექსტრადიციასთან დაკავშირებით საბოლოო გადაწყვეტილება მიიღო იუსტიციის მინისტრმა, შემდეგ კი — ძებნილი პირი, სპეციალური პენიტენციური სამსახურის თანამშრომლებმა, იტალიის კომპეტენტური ორგანოების წარმომადგენლებს გადასცეს.