რა ხდება: საქართველოს პროკურატურამ პირს, რომელმაც სექსუალურად იძალადა 12 წლის გოგოზე, ბრალი წარუდგინა.

დეტალები: შსს-ს მიერ ჩატარებული გამოძიებით დადგინდა, რომ ბრალდებულმა, 4 ნოემბერს, "ცოლად შერთვის მიზნით" სახლში 12 წლის გოგო მიიყვანა, რომელთანაც სქესობრივი კავშირი დაამყარა.

  • კაცი მეორე დღეს, 5 ნოემბერს დააკავეს.
  • მას წარედგინა ბრალი, რომელიც გულისხმობს სექსუალური ხასიათის შეღწევას 16 წლის ასაკის მიუღწეველ პირთან.
  • საქმეზე გამოძიება გრძელდება, პროკურატურა კი ბრალდებულისთვის პატიმრობის შეფარდებას მოითხოვს.

ფართო სურათში: ეს არ არის არასრულწლოვანი გოგოს გატაცებისა და მასზე სექსუალური ძალადობის ერთეული შემთხვევა. ეს პრობლემაა მთელს ქვეყანაში, თუმცა, რეგიონებში — მეტად.

  • ჯერ კიდევ 2018 წელს, ქალაქის ტიპის მაცხოვრებელი 20-24 წლის ასაკის ქალების 8% ამბობს, რომ გაიტაცეს "დაქორწინების მიზნით", სანამ 18 წლის გახდებოდნენ;
  • იმავე პარამეტრებით, სოფლის ტიპის დასახლებებში ქალების 25% იყო "დაქორწინებული", ან იმყოფებოდა არარეგისტრირებულ "ქორწინებაში" სრულწლოვანი ასაკის მიღწევამდე.