ოქტომბრის დასაწყისში საკულტო ფილმ Mean Girls-ის მსახიობები ლოს-ანჯელესში ერთად შენიშნეს. ფანების ნაწილი ფიქრობდა, რომ ისინი ფილმის გამოსვლიდან 20 წლის აღსანიშნად ერთად ახალ ფილმზე მუშაობდნენ, თუმცა აღმოჩნდა, რომ ლინდსი ლოჰანი, ამანდა საიფრედი და ლეისი ჩაბერტი მაღაზიათა ქსელ ვოლმარტის რეკლამაში იღებდა მონაწილეობას.

რეკლამა ფილმის ესთეტიკის მიხედვითაა გადაღებული, მსახიობები კი თავიანთ ლეგენდარულ როლებს დაუბრუნდნენ, ოღონდ ამჯერად ისინი ზრდასრულების როლს ასრულებენ და ახლა სკოლის მოსწავლე შვილები ჰყავთ.

რეკლამას Mean Girls-ის ერთ-ერთი ყველაზე ცნობილი ფრაზა "ოთხშაბათობით ვარდისფერს ვიცვამთ" გასდევს. ასევე, მანქანა, რომლითაც ჩაბერტს ვხედავთ, ძალიან ჰგავს იმ ავტომობილს, რომელიც ორიგინალ ფილმში გამოიყენეს. ერთადერთი, ვისაც ფილმში ვერ ვხედავთ, რეჯინა ჯორჯის როლის შემსრულებელი მსახიობი რეიჩელ მაკადამსია.

საზიზღარი გოგოები პირველად 2004 წელს იხილა მაყურებელმა და საკულტო ფილმის სტატუსს დღემდე არ კარგავს. მასში მონაწილე ახალგაზრდა მსახიობებს კი დღეს უკვე მთელ მსოფლიოში იცნობენ.

შემდეგ წელს ფილმის გამოსვლიდან 20 წელი გადის, 2018 წლითან Mean Girls-ის მიუზიკლი იდგმევა, 2024 წლის იანვარში კი საზიზღარი გოგოების მიუზიკლის ფილმი გამოდის. მისი სცენარისტი კვლავაც, ისევე, როგორც ორიგინალი ფილმის, თინა ფეია.