გუშინ, 1-ელ ნოემბერს, ავერსის კლინიკიდან გაქცეული სამივე პატიმარი დაკავებულია.

  • ამის შესახებ იუსტიციის მინისტრმა, რატი ბრეგაძემ ფეისბუქზე დაწერა.
  • ბრეგაძე მადლობას უხდის საკუთარ თანამშრომლებსა და შინაგან საქმეთა სამინისტროს; შსს მინისტრს, ვახტანგ გომელაურს კი "ღირსეულ მინისტრად" მოიხსენიებს.
  • მისი თქმით, "დამნაშავეებს მიესჯებათ შესაბამისი სასჯელი".
  • "მადლობა ჩემს მეგობარს, შინაგან საქმეთა ღირსეულ მინისტრს ვახტანგ გომელაურს და პოლიციას დიდი მხარდაჭერისთვის", — დაწერა მან.
  • გუშინ, გაქცეულ პატიმრებს მოუწოდა, ჩაბარებოდნენ.

რა მოხდა გუშინ: დაახლოებით, 13 საათზე, კლინიკიდან გაიქცა სამი პატიმარი, რომელიც სასჯელაღსრულების დაწესებულიდან გამოკვლევებისთვის ჰყავდათ მიყვანილი.

  • როგორ მოახერხეს მათ გაქცევა, უცნობია. ასევე, არ არის ცნობილი, თუ რა დანაშაულის გამო იხდიდნენ ისინი სასჯელს.