75 წლის ქალმა იტალიის ქალაქ პალვიადან, მას შემდეგ, რაც მისმა 40 წელს გადაცილებულმა შვილებმა სახლიდან გადასვლაზე უარი თქვეს, მკაცრი ზომების მიღება გადაწყვიტა.

მისი თქმით, მიუხედავად იმისა, რომ შვილები უკვე დიდი ხანია მუშაობდნენ, არც სახლის საქმეებში იღებდნენ მონაწილეობას და არც გადასახადების გადახდაში, ხოლო მცდელობებმა, რომ ისინი სახლიდან გადასვლაში დაერწმუნებინა, არ გაამართლა და ამიტომ მათ სასამართლოში უჩივლა.

მოსამართლემ მხარი დედას დაუჭირა და კაცების გამოსახლების ბრძანება გასცა და მათ ბინის დასაცლელად დრო 18 დეკემბრამდე მისცა. მოსამართლის თქმით, რადგან კაცები 40 წელს გადაცილებულები არიან, მშობლებს მათი რჩენის ვალდებულება არ აქვთ.

იტალიაში ზრდასრული ადამიანების რიცხვი, რომლებიც მშობლებთან ერთად ცხოვრობენ, უკვე წლებია მაღალია. 2022 წლის მონაცემებით მოსახლეობის 70%-ზე მეტი მშობლებთან ერთად ცხოვრობს.

მეცნიერები ამის ერთ-ერთ მიზეზად ბოლო წლებში გაუარესებულ ეკონომიკურ მდგომარეობასაც ასახელებენ, რაც ცალკე ცხოვრების ხარჯს ძალიან ზრდის, თუმცა, მეორე მხრივ, ე.წ. დიდი ბავშვების (იტალიურად Bamboccioni) ფენომენზეც მსჯელობენ, რაც იმას გულისხმობს, რომ ზრდასრულების ნაწილს მშობლებთან ცხოვრების კომფორტზე უარის თქმა არ სურს.