რა ხდება: პალესტინური ტერორისტული დაჯგუფება ჰამასის წარმომადგენლები რუსეთის დედაქალაქში ჩავიდნენ. რია ნოვოსტი წერს, რომ ამის შესახებ პრეს-კონფერენციაზე რუსეთის საგარეო უწყების ოფიციალურმა წარმომადგენელმა, მარია ზახაროვამ განაცხადა.

  • ზახაროვას თქმით, დეტალებს საზოგადოებას მოგვიანებით გააცნობენ.
  • კრემლისტურ, პროპაგანდისტულ რია ნოვოსტის საკუთარმა წყარომ უთხრა, რომ ჰამასის დელეგაცია მოსკოვში პოლიტბიუროს წევრის, აბუ მარზუკის ხელმძღვანელობით ჩავიდა.

კონტექსტი: ჰამასს ბევრი ქვეყანა, მათ შორის — აშშ და ევროკავშირის წევრი ყვეყნები ტერორისტ ორგანიზაციად მიიჩნევს.

  • ისრაელ-ჰამასის ომში დასავლეთის ქვეყნებმა მხარდაჭერა ისრაელს გამოუცხადეს.
  • ჩინეთი და რუსეთი, მიმდინარე კონფლიქტში, არც ისრაელის და არც ჰამასის ქმედებებს არ გმობენ.