მსოფლიოში, სადაც სუფთა წყალი ადამიანის ჯანმრთელობის საფუძველია, წყლის ფილტრების როლისა და მნიშვნელობის გაგება და გათავისება უმნიშვნელოვანესია. მიუხედავად იმისა, მეგაპოლისში ცხოვრობთ, სადაც მოწინავე და თანამედროვე წყლის სისტემებია გაყვანილი, თუ ეკოლოგიურად სუფთა რეგიონებში, სადაც წყლის დაბინძურება წარმოუდგენელიც კი გგონიათ, წყლის ფილტრმა ნებისმიერ შემთხვევაში შეიძლება გიხსნათ იმ პრობლემებისგან, რისი გამოწვევად დაბინძურებულ წყალს შეუძლია. სწორედ ამიტომ, ამ სტატიაში, ჩვენ გაგაცნობთ ყველაფერს, რაც თქვენ უნდა იცოდეთ წყლის ფილტრების შესახებ, რათა სუფთა წყლით მოამარაგოთ თქვენი ბიზნესი თუ საცხოვრებელი ადგილი.

რა არის წყლის ფილტრი?

თავის არსით, წყლის ფილტრი არის მოწყობილობა, რომელიც წყალში შემავალ მინარევებს შლის, რაც მას მოხმარებისა და გამოყენებისთვის უსაფრთხოს ხდის. ეს მინარევები შეიძლება გულისხმობდეს ისეთ დამაბინძურებლებს, როგორიცაა ბაქტერიები, ვირუსები და მძიმე ლითონები, ასევე ნაწილაკებს, როგორიცაა ქვიშა ან ნალექი.

არსებობს სხვადასხვა ტიპის წყლის ფილტრი და თითოეული სხვადასხვა პროცესს ეფუძნება იმისათვის, რომ მომხმარებელს იქნება ეს ბიზნესისთვის, თუ სახლში პირადი მოხმარებისათვის, სუფთა და გაფილტრული წყალი მიაწოდოს. წყლის ფილტრების უმეტესობა შემდეგ ძირითად კომპონენტებს მოიცავს:

• ფიზიკური ბარიერები, როგორიცაა მემბრანები, რათა წყლიდან ამოვიღოთ ნაწილაკები.
• გააქტიურებული ნახშირი, რათა სხვადასხვა დამაბინძურებლისგან გავწმინდოთ წყალი.
• წყლის დამარბილებლები, რათა დავიცვათ სანტექნიკის სისტემა და ასევე, ჩვენი კანი.
• კერამიკული ფილტრები, რომლებიც ბიოლოგიური ელემენტების წარმომადგენლები არიან და აკავებენ ბაქტერიებსა და პათოგენებს.

რაში გამოიყენება წყლის ფილტრი?

წყლის ფილტრების მნიშვნელობა მხოლოდ სუფთა სასმელი წყლის უზრუნველყოფა სულაც არ არის. ეს შეუცვლელი ხელსაწყოები ემსახურება სხვადასხვა მიზანს, სხვადასხვა კონტექსტში ემსახურება, უფრო ზუსტად:

• სასმელი წყალი: როგორც უკვე ზემოთაც აღვნიშნეთ, სუფთა წყლის მიწოდება - ეს არის წყლის ფილტრების ყველაზე აშკარა და სასიცოცხლოდ მნიშვნელოვანი გამოყენება. წყლის ფილტრი აღმოფხვრის მავნე პათოგენებს, პესტიციდებს, მძიმე ლითონებს და სხვა დამაბინძურებლებს, რაც უზრუნველყოფს იმას, რომ წყალი, რომელსაც სვამთ, თქვენს ჯანმრთელობას მხოლოდ არგებს და არა პირიქით.
• საკვების მომზადება: წყლის ხარისხმა შეიძლება სერიოზული გავლენა იქონიოს თქვენი საკვების გემოვნურ თვისებებსა და უსაფრთხოებაზე. გაფილტრული წყლის გამოყენება იმის გარანტიას იძლევა, რომ აღმოიფხვრება არასასურველი ელემენტები, რომლებმაც შეიძლება გემო რადიკალურად შეცვალონ ან დამაბინძურებლები, რომელთაც თქვენს კუჭ-ნაწლავის სისტემაზე უარყოფითად შეუძლიათ იმოქმედონ. ეს ფაქტორი განსაკუთრებით მნიშვნელოვანია დაუმუშავებელი საკვების მომზადებისას, როგორიცაა სალათები ან გარკვეული ტიპის დესერტები.
• შხაპის მიღება და ბანაობა: შხაპის ხარისხს დიდი წვლილი მიუძღვის თქვენი თმისა და კანის სიჯანსაღის შენარჩუნებაში. ქლორმა, რომელიც ჩვეულებრივ ონკანის წყალში გვხვდება, შეიძლება კანის სიმშრალე და თმის მტვრევა გამოიწვიოს. შხაპისთვის განკუთვნილი ფილტრები უზრუნველყოფენ, რომ თქვენ იბანავებთ წყალში, რომელიც არ შეიცავს უხეშ ქიმიკატებს, რაც სარგებლის მომტანია როგორც თქვენი კანისთვის, ასევე თმისთვისაც.
• სანტექნიკისა და სხვა მოწყობილობების შენარჩუნება: მყარი წყალი, რომელიც მინერალების მაღალი შემცველობითაა ცნობილი, ზოგჯერ ზედმეტად "მკაცრია" საყოფაცხოვრებო ტექნიკისთვის, რამაც შესაძლოა მოწყობილობებში მინერალების დაგროვება გამოიწვიოს, მათ შორის, სარეცხ მანქანაში, ჭურჭლის სარეცხი მანქანასა და წყლის გამაცხელებლებში, რაც ხელს უშლის მათ დიდი ხნით შენარჩუნებას.
• აკვარიუმები: თევზი და სხვა წყლის მაცხოვრებელი არსებები მგრძნობიარენი არიან წყლის დამაბინძურებლების მიმართ. წყლის ფილტრი გადამწყვეტია აკვარიუმებში ტოქსინებისა და მინარევების მოსაშორებლად, რაც უზრუნველყოფს სუფთა და დაბალანსებულ გარემოს შექმნას თქვენი წყლის მობინადრეებისათვის.
• მებაღეობა და მცენარეები: ალბათ, ყველასათვის ცნობილია, რომ ზოგიერთი მცენარე განსაკუთრებით მგრძნობიარეა ქიმიკატების მიმართ. განსაკუთრებით ისეთების, როგორიცაა ქლორი ან ფტორი, რომელიც ონკანის წყალში ნამდვილად გვხვდება. გაფილტრული წყლის გამოყენება აუმჯობესებს მცენარეების ზრდასა და მათ ჯანმრთელობას.
• სამრეწველო გამოყენება: მრავალი ინდუსტრია, დაწყებული საკვებისა და სასმელების წარმოებიდან, დამთავრებული ფარმაცევტული და კოსმეტიკური საშუალებებით, საჭიროებს გაწმენდილ წყალს. დანამდვილებით შეგვიძლია გითხრათ, რომ აქ, წყლის ფილტრები გადამწყვეტ როლს თამაშობენ წარმოების თანმიმდევრულობისა და პროდუქტის უსაფრთხოების უზრუნველსაყოფად.

როგორ შევარჩიოთ წყლის ფილტრი?

ეს ერთი შეხედვით არც თუ ისე მარტივი პროცესია, თუ განსაზღვრული არ გაქვთ რისთვის გჭირდებათ წყლის ფილტრი, ასევე სად აპირებთ რომ დაამონტაჟოთ და რა სივრცეში. თუმცა, როგორც კი პრიორიტეტებს სწორად დაალაგებთ, პროცესი ზედმეტად მარტივიც კი მოგეჩვენებათ. მაშ, ასე, როდესაც საქმე წყლის ფილტრის არჩევას ეხება, გაითვალისწინეთ შემდეგი:

1. წყლის ხარისხი: გაატარეთ წყალს ტესტირება. გაიგეთ რა დამაბინძურებლები არსებობს და შეარჩიეთ სწორედ ის ფილტრი, რომელიც ეფექტურად აშორებს მათ. მაგალითად, ზოგიერთი ფილტრი მხოლოდ მინარევებს შლის, ზოგიერთი ქლორის წინააღმდეგ მუშაობს, ზოგიც ქვიშისა და მიწის ნაწილაკებს აკავებს და ა.შ.
2. ფილტრის ტიპი: არსებობს სხვადასხვა ტიპები - ონკანზე დამონტაჟებული, ნიჟარას ქვეშ და ზედაპირზე დამთავრებული მთლიანი სახლისა და ლოკალური მუშაობის ფილტრებით. აქ მთავარი კრიტერიუმია, რომ თქვენი არჩევანი უნდა შეესაბამებოდეს თქვენს საჭიროებებს.
3. მოვლა: ზოგიერთ ფილტრს კარტრიჯის ხშირი გამოცვლა ესაჭიროება, ზოგი კი უფრო მეტხანს ძლებს. შესაბამისად, შეძენამდე საჭიროა კარგად გაერკვეთ თქვენ მიერ არჩეული ფილტრის სპეციფიკაციებში.
4. ბიუჯეტი: ფილტრები ერთმანეთისაგან განსხვავდება ფასითაც, ამიტომ შეარჩიეთ ისეთი, რომელიც გთავაზობთ საუკეთესო ბალანსს მის ღირებულებასა და გამოყენების ეფექტურობას შორის.

სად შევიძინო წყლის ფილტრები?

თავიდან, შესაძლოა მოგეჩვენოთ, რომ წყლის ფილტრს შეიძენთ ყველგან, სადაც სანტექნიკის მოწყობილობების შეძენაა შესაძლებელი. თუმცა, თუ თქვენთვის პრიორიტეტი მაღალი ხარისხი და შესაბამისად, წყლის ფილტრის მაქსიმალური ეფექტურობით გამოყენებაა, არჩევანი სანდო და გარანტიების მქონე ვენდორზე უნდა შეაჩეროთ. საქართველოში მსგავსი კომპანიაა Nanofilter-ი, რომელი უკვე მეორე 12 წელზე მეტია, რაც წარმატებით იკავებს მოწინავე ადგილს საქართველოს წყალმომზადების და წყალარინების (კანალიზაციის) სფეროში. Nanofilter-ში წარმოდგენილი პროდუქცია გამოირჩევა ხარისხითა და პოპულარობით. რაც მთავარია, წყლის ფილტრების შეძენისას, შესაძლებლობა გაქვთ ისარგებლოთ პროფესიონალის მომსახურებით, რომელიც წყლის ფილტრებს უშეცდომოდ და იდეალურად დაგიმონტაჟებთ.

შესაძენად მიჰყევით ბმულს: https://nanofilter.ge/