მას შემდეგ, რაც მედიის თქმით, მორალის პოლიციამ 16 წლის ირანელ გოგოზე, არმიტა გერავანდიზე თმის არდაფარვის გამო იძალადა, მას ტვინი გაეთიშა, რაც ნიშნავს, რომ თინეიჯერი ცოცხალი მხოლოდ აპარატის დახმარებით რჩება.

მედიის ცნობით, თეირანის მეტროში მორალის პოლიციამ არმიტას თმის დაფარვა მოსთხოვა, უარის შემდეგ კი მასზე იძალადეს, რის გამოც არმიტა ტვინის მძიმე დაზიანებებით საავადმყოფოში გადაიყვანეს. თინეიჯერი კომაში ჩავარდა, შემდეგ კი ტვინი გაეთიშა.

ცოტა ხნის წინ ირანის ხელისუფლებამ ქალებისთვის კანონები გაამკაცრა. ირანში უსაფუძვლო ბრალდებებით დაკავებები და მძიმე სასჯელების გამოყენება მას შემდეგ გახშირდა, რაც 2022 წლის სექტემბრიდან მასშტაბურ აქციებზე მოქალაქეები მაჰსა ამინის მკვლელობას აპროტესტებენ.

ამინი მორალის პოლიციამ "ჰიჯაბის ტარების წესის დარღვევისთვის" დააპატიმრა. თვითმხილველების თქმით, პოლიციის მანქანაში ჩასმის შემდეგ მაჰსას ფიზიკურად გაუსწორდნენ, მოგვიანებით კი ქალი გარდაიცვალა. ირანის ხელისუფლებამ ჟურნალისტები, რომელთაც ამინის მკვლელობა პირველებმა გააშუქეს, დააპატიმრა.

იხილეთ ასევე: