რა ხდება: საქართველოს ახალგაზრდა იურისტთა ასოციაციამ განცხადება გამოაქვეყნა საკონსტიტუციო სასამართლოს გადაწყვეტილებასთან დაკავშირებით, რომლითაც სასამართლომ პრეზიდენტი კონსტიტუციის დამრღვევად ცნო.

დეტალები: საია აცხადებს, რომ პრეზიდენტი მოქმედებდა კონსტიტუციის 78-ე მუხლის შესაბამისად, რაც ევროინტეგრაციის პროცესის ხელშეწყობას გულისხმობს.

  • "მთავრობამ თავად არ შეასრულა შემხვედრი ვალდებულება, რომელიც თანხმობის გაცემას გულისხმობდა პრეზიდენტის მიერ ისეთი ქმედებების სისრულეში მოსაყვანად, როგორიცაა ევროკავშირში გაწევრიანების მიზნებისთვის შეხვედრების და მოლაპარაკებების წარმოება", — აღნიშნულია მათ განცხადებაში.

კონტექსტი: დღეს, 16 ოქტომბერს, საკონსტიტუციო სასამართლომ პრეზიდენტი, სალომე ზურაბიშვილი კონსტიტუციის დამრღვევად ცნო, "მთავრობის უნებართვო ვიზიტების განხორციელების გამო" და ამით დააკმაყოფილა მმართველი პარტიის დეპუტატების კონსტიტუციური წარდგინება პრეზიდენტის იმპიჩმენტთან დაკავშირებით.

  • ამ გადაწყვეტილებას საკონსტიტუციო სასამართლოს ცხრა მოსამართლიდან ექვსმა დაუჭირა მხარი.