დღეს ენერგეტიკის მინისტრმა, კახა კალაძემ თანამდებობა ოფიციალურად დატოვა. ის მმართველი პარტიის, ქართული ოცნების სახელით, თბილისის მერის არჩევნებში იღებს მონაწილეობას.

"მე მჯერა იმის, რომ თბილისი ჩემს გვერდით დადგება, მე მჯერა იმის, რომ ერთად ბევრ მნიშვნელოვან პროექტებს განვახორციელებთ მომავალში ჩვენი დედაქალაქისთვის, მე ვიცი ყველა ის პრობლემა, რომელიც აწუხებს თბილისში მცხოვრებ ადამიანებს, რადგან მეც ამ ქალაქში ვცხოვრობ ჩემი ოჯახით და ჩემი შვილებით" - განაცხადა კალაძემ ჟურნალისტებთან საუბრისას.

კალაძის თქმით, უახლოეს მომავალში პრემიერ-მინისტრი კვირიკაშვილი ენერგეტიკის მინისტრის პოსტზე მის შემცვლელს წარადგენს.