როგორ ეხმაურებიან ცნობილი ადამიანები ისრაელზე თავდასხმას
7 ოქტომბერს, გამთენიისას, ღაზის სექტორიდან ისრაელის მიმართულებით რამდენიმე სარაკეტო თავდასხმა განხორციელდა. თავდასხმაზე პასუხისმგებლობა პალესტინურმა დაჯგუფება ჰამასმა აიღო, რომელსაც არაერთი ქვეყანა თუ გაერთიანება, მათ შორის ევროკავშირი და აშშ, ტერორისტულ ორგანიზაციად მიიჩნევს. მოულოდნელი შეტევა ბოლო ნახევარი საუკუნის განმავლობაში ისრაელზე ყველაზე მასშტაბური თავდასხმა იყო, მის სამიზნედ კი მშვიდობიანი ადამიანებიც იქცნენ: სროლა თავდაპირველად მუსიკალურ ფესტივალზე დაიწყო, სადაც მონაწილეების ნაწილი დაიღუპა, ნაწილი — მძევლად აიყვანა ჰამასმა, ზოგმა კი გაქცევა მოახერხა. ადგილობრივი მედიის ცნობით, თავდასხმას ისრაელში, სულ მცირე, 600 ადამიანის სიცოცხლე ემსხვერპლა.
თავდასხმის საპასუხოდ, ისრაელმა სამხედრო მობილიზაცია და საომარი მდგომარეობა გამოაცხადა. ქვეყნის პრემიერმინისტრმა ბენიამინ ნეთანიაჰუმ ისრაელის მოქალაქეებს წესრიგის დაცვისკენ მოუწოდა და პირობა დადო, რომ ქვეყანა "ამ ომში გაიმარჯვებს". ისრაელს სოლიდარობა და მხარდაჭერა გამოუცხადეს მსოფლიო ლიდერებმაც, მათ შორის, ევროკომისიის პრეზიდენტმა ურსულა ფონ დერ ლაიენმა, ევროპული საბჭოს პრეზიდენტმა შარლ მიშელმა, უკრაინის პრეზიდენტმა ვოლოდიმირ ზელენსკიმ, გაერთიანებული სამეფოს პრემიერმინისტრმა რიში სუნაკმა და აშშ-ის პრეზიდენტმა ჯო ბაიდენმა.
ჰამასის ისრაელზე თავდასხმას ცნობილი ადამიანებიც გამოეხმაურნენ.
მადონა
პოპის დედოფალმა ინსტაგრამზე თავდასხმის ამსახველი ვიდეოკადრები გაავრცელა და ვრცელი განცხადება დაურთო.
"შემაძრწუნებელია, რაც ახლა ისრაელში ხდება. გულს მიკლავს, როცა ვხედავ, მთელ ოჯახებს, განსაკუთრებით ბავშვებს, როგორ მიერეკებიან, თავს ესხმიან და ხოცავენ ქუჩებში", — წერს მადონა, — "წარმოგიდგენიათ, ეს რომ თქვენს თავს ხდებოდეს? წარმოუდგენელია. კონფლიქტებს ძალადობა ვერასდროს აგვარებს. სამწუხაროდ, კაცობრიობას ეს მარტივი ჭეშმარიტება არ ესმის და არც არასდროს ესმოდა. ჩვენ ხომ სიძულვილით წალეკილ სამყაროში ვცხოვრობთ.
"მთელი გულით ვწუხვარ ისრაელის გამო. იმ ოჯახების გამო, რომლებიც გაანადგურეს. ბავშვების გამო, რომლებიც დაიღუპნენ. უდანაშაულო მსხვერპლების გამო, რომლებიც დახოცეს. ყველა მათგანის გამო, ვინც იტანჯება და დაიტანჯება ამ კონფლიქტში. ყველა თქვენგანისთვის ვლოცულობ. ვიცი, რომ ეს ჰამასის ნამოქმედარია და პალესტინაში უამრავი უდანაშაულო ადამიანია, რომელსაც ამ ტერორისტული ორგანიზაციის მხარდაჭერა არ სურს. ეს ტრაგიკული თავდასხმა ხომ მხოლოდ მეტ ტკივილს მოუტანს ყველას. ყველამ ვილოცოთ. ისრაელისთვის. მშვიდობისთვის. მსოფლიოსთვის".
ნატალი პორტმანი
"გული მაქვს დამსხვრეული ისრაელელების გამო", — წერს ოსკაროსანი მსახიობი, — "ბავშვები, ქალები და ხანდაზმულები საკუთარი სახლებიდან გაიტაცეს და დახოცეს. შეძრწუნებული ვარ ამ ბარბაროსული ქმედებებით. გულით თანავუგრძნობ და ვლოცულობ ყველა იმ ოჯახისთვის, რომელსაც [თავდასხმა] შეეხო".
გალ გადოთი
Wonder Woman-ის ვარსკვლავი მიმდინარე კონფლიქტს რამდენიმე პოსტითა და "სთორით" გამოეხმაურა. გადოთმა ასევე მოუწოდა გამომწერებს, მხარი დაეჭირათ ისრაელისთვის დონაციებით.
"მე ისრაელს ვუჭერ მხარს და შენც ასე უნდა მოიქცე", — წერს გადოთი, — "მსოფლიო გულხელდაკრეფილი ვეღარ იჯდება, როცა ეს საზარელი ტერორისტული აქტები ხდება".
ჯეიმი ლი კერტისი
ოსკაროსანმა ამერიკელმა მსახიობმა ინსტაგრამზე ჯერ ისრაელის დროშის ფოტო გამოაქვეყნა, მოგვიანებით კი ისრაელელი მენეჯერი გაი ოსეარის პოსტი გადააზიარა და ინტერნეტში გავრცელებული კადრები დაურთო — როგორ იტაცებენ ჰამასის წევრები მშვიდობიან მოქალაქეებს, მათ შორის, ხანდაზმულებს.
"ამ საზარელი ძალადობის წინააღმდეგ ხმის ამაღლებას დიდ გამბედაობა არ უნდა სჭირდებოდეს, მაგრამ, სამწუხაროდ, სჭირდება", — წერია პოსტში, — "ყველა მეგობარს, რომელიც ამ კვირაში სხვა რამეს პოსტავთ, გთხოვთ, ერთი დღეც მოიცადოთ, სანამ ყველაფერი ნორმალურ ვითარებას დაუბრუნდება. მთელ მსოფლიოში მცხოვრები ებრაელებისთვის ვითარება ნორმალური აღარასდროს იქნება. ეს ჩვენი ახალი ნორმალური ყოფაა. მედიის ყურადღება ახლა გატაცებული უდანაშაულო ქალების, ხანდაზმულების, ბავშვების, ჩვილებისა და კაცებისკენ უნდა იყოს მიპყრობილი".
ემი შუმერი
რამდენიმე პოსტით გამოეხმაურა ჰამასის თავდასხმას ამერიკელი მსახიობი და კომიკოსი ემი შუმერიც.
"სხვა მხარე არ არსებობს, ჰამასი ტერორისტული ორგანიზაციაა", — წერს შუმერი, — "მოეშვით შინ ჯდომას და იმაზე ფიქრს, როგორ მიუდგეთ საკითხს უფრო დიპლომატიურად. მათ ყველა ებრაელის დახოცვა უნდათ".
კარდაშიან-ჯენერების ოჯახი
ამერიკელმა ტელევარსკვლავმა კრის ჯენერმა ინსტაგრამის "სთორებში" ისრაელის მხარდამჭერი ორგანიზაცია StandWithUs-ის ორი პოსტი გააზიარა.
"სიტყვებით ვერ გადმოვცემ, რამდენად საზარელი და გულის მომკვლელია", — წერს ჯენერი.
"ახლა და ყოველთვის ჩვენ ისრაელელების გვერდით ვდგავართ", — წერია მის გაზიარებულ სხვა პოსტში.
აღსანიშნავია, რომ ეს პოსტი კრისის შვილმა და ბიზნესვუმენმა კაილი ჯენერმაც გააზიარა, თუმცა, მოგვიანებით წაშალა.
კრის ჯენერმა, ქლოი და კორტნი კარდაშიანებმა ასევე გააზიარეს პოსტი, სადაც აღნიშნულია, რომ "სრულიად გონივრული და ლოგიკურია, ისრაელის ხელისუფლების მხრიდან პალესტინელების მოპყრობას ეწინააღმდეგებოდე და, ამავდროულად, ისრაელსა და მთელ მსოფლიოში მყოფი ებრაელების დაცვას მოითხოვდე".
"ჰამასი ტერორისტული ორგანიზაციაა, რომელიც მშვიდობიან ადამიანებს სახმელეთო, საზღვაო და საჰაერო გზებით ესხმის თავს", — წერია პოსტში, — "გატაცებული ისრაელელების ფოტოები შოკისმომგვრელი და შემაძრწუნებელია.
"იმის გათვალისწინებით, რომ ებრაელები ათასობით წელია, იდევნებიან, იცოდეთ, რომ თქვენს ებრაელ მეგობრებს, მაშინაც კი, თუ ისინი ისრაელში არ ცხოვრობენ, გული სტკივათ და ეშინიათ, როცა ასეთი რაღაცები ხდება და არაებრაელები ხმას არ იღებენ. მესმის, რომ ბევრ ჩვენგანს ეშინია აზრის დაფიქსირების, რადგან კრიზისი ახალშექმნილი და რთულად გასაგებია; ვშიშობთ, არასწორი რაღაც არ ვთქვათ. მაგრამ შეგვიძლია ხმა ავიმაღლოთ ტერორიზმის, უდანაშაულო ხალხის უმოწყალო ხოცვის წინააღმდეგ — და ასეც უნდა მოვიქცეთ".
-
გადახედვა28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ 28 აპრილს აქციაზე, 23 საათისთვის, დაახლოებით 100 000 ადამიანი იყო — აგიხსნით, როგორ დავთვალეთ
-
გადახედვალომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს ლომჯარია მერიის განცხადებაზე: რა “არასანქცირებული” მიტინგი?! ასეთი ტერმინი მხოლოდ რუსეთს აქვს
-
გადახედვააქციაზე ალექსი პეტრიაშვილი დააკავეს აქციაზე ალექსი პეტრიაშვილი დააკავეს
-
გადახედვაგანცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს განცხადება: საქართველოს სახალხო დამცველის დაკვირვებით, ამ ეტაპზე, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს
-
გადახედვასაია: არ არსებობს მშვიდობიანი აქციის დაშლის კანონისმიერი წინაპირობა საია: არ არსებობს მშვიდობიანი აქციის დაშლის კანონისმიერი წინაპირობა
-
გადახედვათბილისის მერია აცხადებს, რომ რუსული კანონის საწინააღმდეგო აქცია არასანქცირებულია თბილისის მერია აცხადებს, რომ რუსული კანონის საწინააღმდეგო აქცია არასანქცირებულია
-
გადახედვაწიწაკის სპრეის გამოყენების გამო, აქციის მონაწილეების ნაწილი შეუძლოდ გახდა წიწაკის სპრეის გამოყენების გამო, აქციის მონაწილეების ნაწილი შეუძლოდ გახდა
-
გადახედვარუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა რუსთაველზე დაძაბულობაა — მობილიზებულია სპეცრაზმი და წყლის ჭავლის მანქანა
-
გადახედვაშსს აქციასთან დაკავშირებით განცხადებას ავრცელებს შსს აქციასთან დაკავშირებით განცხადებას ავრცელებს
-
გადახედვაპარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ პარლამენტთან ვითარება დაიძაბა — აქციის მონაწილეები ცდილობენ, საქართველოსა და ევროკავშირის დროშებით სცენაზე ავიდნენ
-
გადახედვარუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ რუსთაველის გამზირზე მრავალრიცხოვანი მსვლელობა გრძელდება — მოქალაქეები პარლამენტის შენობას, სიმბოლურად, წრეს არტყამენ
-
გადახედვამშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ მშვიდობიანი აქციის მონაწილეები, რესპუბლიკის მოედნიდან, პარლამენტისკენ დაიძრნენ
-
გადახედვაპროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი პროვოკაციების თავიდან აცილების მიზნით, აუცილებელია ხვალინდელი საკომიტეტო მოსმენის გადადება — ენმ და სტრატეგია აღმაშენებელი
-
გადახედვარესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან რესპუბლიკის მოედანზე რუსული კანონის საწინააღმდეგო აქციის მონაწილეები იკრიბებიან
-
გადახედვაბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია ბრიტნი სპირსის სასამართლო პროცესი საბოლოოდ დასრულდა — ბრიტნი თავისუფალია
-
გადახედვაროგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება როგორ გავძლებთ აქ? — LOUDspeakers პოლიტიკურ პროცესებს სიმღერით ეხმაურება
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
კომენტარები