სელენა გომესმა რამდენიმე დღის წინ მისი 2020 წელს დაფუძნებული ფონდი Rare Impact Fund Benefit-ის პირველი შეხვედრა გამართა. ფონდის მიზანი ახალგაზრდების მენტალურ ჯანმრთელობაზე მომუშავე ორგანიზაციებისთვის დონაციების შეგროვებაა.

გომესის თქმით, რომ ფონდის დაფუძნებაზე ფიქრი მაშინ დაიწყო, როცა ცხოვრებაში ყველაზე რთული დღეების გამოვლა მოუწია და ეს მისი დიდი ხნის მიზანი იყო.

"ჩემს ტვინში არსებული ხმები დიდხანს მტანჯავდნენ, რის გამოც ხშირად თავს უიმედოდ და დაკარგულად ვგრძნობდი. 2020 წელს ბიპოლარული აშლილობის დიაგნოზი დამისვეს, რამაც ყველაფერი ძალიან სწრაფად შეცვალა — შევძელი, რომ ის ცოდნა და კითხვებზე პასუხები მიმეღო, რასაც ძალიან დიდი ხნის განმავლობაში ვეძებდი და ახლა უფრო ნაკლებად მეშინია.

ამ ინფორმაციის წყალობით, ჩემ თავს ვეხმარები და ისევ შემიძლია, ბედნიერი ვიყო. ამაყი ვარ, რომ ყოველდღიურად ძალას არ ვიშურებ უკეთ ყოფნისთვის და ძალიან მადლიერი ვარ იმის, რომ ცოცხალი ვარ და დღეს თქვენთან ვარ", — აღნიშნა გომესმა თავის გამოსვლაში.

სელენამ მის 10 წლის და, გრეისიც ახსენა და თქვა, რომ უნდა, გრეისის თაობას თავიანთი მენტალური ჯანმრთელობის პრობლემების მოსაგვარებლად უფრო მეტ რესურსზე ჰქონდეს წვდომა, ვიდრე თვითონ ჰქონდა. მომღერლის თქმით, ამ ფონდის დაარსება ყველაზე მნიშვნელოვანი რამეა, რაც აქამდე გაუკეთებია.

სელენა თავის პატარა და გრეისისთნ ერთად

ფოტო: Getty Images

გომესმა დოკუმენტი ფილმი ჩემი გონება და მე 2022 წელს გამოუშვა, რომელშიც როგორც კარიერულ წინსვლასა თუ დაბრკოლებებზე, ასევე, ჯანმრთელობის პრობლემებზეც ისაუბრა. არტისტს ბიპოლარულ აშლილობასთან ერთად ქრონიკული დავადება ლუპუსი აქვს, რის გამოც 2017 წელს თირკმლის გადანერგვა დასჭირდა.

სელენა აღნიშნავს, რომ პლატფორმა აქვს, რითაც ცნობიერების ამაღლება შეუძლია და მის გამოყენებას აპირებს.

"გული მტკივა, როცა პატარა გოგო ჩემთან მოდის და მეუბნება, რომ თავის მოკვლაზე ფიქრობდა, მაგრამ მას შემდეგ, რაც ჩემს დოკუმენტურ ფილმს უყურა, ამის გაკეთება გადაიფიქრა. ეს ჩემთვის ყველაზე დიდი საჩუქარიცაა, თუმცა ძალიან დიდი პასუხისმგებლობაც", — ამბობს ის.