გახსოვთ ყურებპარტყუნა სპილო დამბო? თუ არა, მაშინ გეტყვით, რომ სულ მალე ტიმ ბარტონი დისნეის 1941 წელს გამოშვებულ ანიმაციურ ფილმს მხატვრულ ფილმად აქცევს.

დამბო მოგვითხრობს ისტორიას სპლიყვზე, რომელსაც ძალიან დიდი ყურები აქვს და ამის გამო ბევრი დამცირების ატანა უწევს, თუმცა საბოლოო ჯამში სწორედ ეს ყურები გახდება მთავარი "იარაღი" და მისი დახმარებით ფრენას შეძლებს.

ფილმისთვის სცენარს ერენ კრუგერი დაწერს, რომელიც ძირითადად ჰორორისა და ფენტეზის ჟანრზე მუშაობით არის ცნობილი.

ჯერ-ჯერობით უცნობია როგორ მოახერხებენ რეჟისორი და სცენარისტი ანიმაციის მხატვრულ ფილმად გადაქცევას, თუმცა ვიცით, რომ ბარტონმა როლებზე ევა გრინი, კოლინ ფარელი, მაიკლ კიტონი და დენი დევიტო უკვე შეარჩია.

ფილმის გადაღებების დაწყება 2017 წლის ბოლოსკენ იგეგმება.

აქვე წაიკითხეთ: 12 მულტფილმი, რომელთაც დისნეი მხატვრულ ფილმებად გადაიღებს