ღარიბაშვილი პრეზიდენტზე: მინიმალური ნდობა ჩვენს შორის რაც შენარჩუნებული იყო, ისიც დაიკარგა

28 Sep. 2023, 15:08

რაც შეეხება ქალბატონი პრეზიდენტის შეუთანხმებელ ვოიაჟს ევროპაში, მე ვფიქრობ, ეს მეტად სამწუხარო ფაქტია. თქვენ თუ გაიხსენებთ, შარშან და უფრო მანამდეც, არცერთი შემთხვევა არ არსებობს, როცა ჩვენ მას უარი ვუთხარით ასეთი ტიპის ვიზიტებზე. უფრო მეტიც, მე მას ყოველთვის მხარს ვუჭერდი და არასოდეს შემიზღუდავს მისი გადაადგილება. მაგრამ მე შეგახსენებთ, რომ ქალბატონ პრეზიდენტს ძალიან მძიმე განცხადებები აქვს გაკეთებული. ამის შემდეგ, ბუნებრივია ის მინიმალური ნდობა ჩვენს შორის რაც შენარჩუნებული იყო, ისიც დაიკარგა. მე უბრალოდ ჩემი ხელმოწერით ვერ გავაგრძელებინებდი ქვეყნის წინააღმდეგ საბოტაჟს და ამაში თანამონაწილე ვერ ვიქნებოდი. არვიცი, რომელიმე ქვეყანაში თუ ჩავიდოდა ჩვენი მანდატით, ჩვენგან ნებადართული, რას ილაპარაკებდა, ჩვენთვის ეს აბსოლუტურად ბუნდოვანი იქნებოდა და მიუღებელი. ამით დასაბუთდა ჩვენი უარი.

ბოლო ამბები: